Gürcüstan Maliyyə Nazirliyinin İstintaq Xidməti Marneuli miqyasında
bir sıra valyutadəyişmə məntəqələrində yoxlama aparıb.
Maliyyə Nazirliyinin İstintaq Xİdməti bu gün, 14 noyabr tarixində
səhər saatlarından Marneulidə yerləşən bir neçə valyutadəyişmə
məntəqəsində və onların sahiblərinin evində yoxlama həyata
keçirib.
“Marneuli” radiosunun məlumatına görə, valyutadəyişmə
məntəqələrindən pul və video kamera qeydləri götürülüb. İndiki
mərəhələdə Maliyyə Nazirliyinin İstintaq Xidmətinin yoxladığı
obyektlər bağlıdır.
Gürcüstan Maliyyə Nazirliyinin İstintaq Xidmətindən “Marneuli”
radiosuna bildirirlər ki, istintaq Prokurorluqla birlikdə
aparılıb.
Gürcüstan Prokurorluğundan “Marneuli” radiosuna bildirdilər ki,
Gürcüstan Cinayət Məcəlləsinin 194-cü maddəsi ilə istintaq
aparılır. Həmin maddə çirkli pulların yuyulmasını nəzərdə
tutur.