ლაზარე გრიგორიადისი 14 მაისს, რუსული კანონის საწინააღმდეგო აქციაზე ადმინისტრაციული წესით დააკავეს. შინაგან საქმეთა სამინისტრო მას წვრილმან ხულიგნობასა და პოლიციელის კანონიერი მოთხოვნისადმი დაუმორჩილებლობას ედავება.

დაკავების შემდეგ ის დიღმის იზოლატორშია გადაიყვანეს.

როგორც “ადამიანის უფლებათა ცენტრის” იურისტი, ეკა ქობესაშვილი “ნეტგაზეთთან” საუბრისას ამბობს, პოლიციელებმა მასზე ფიზიკურად იძალადეს. ადვოკატის ინფორმაციით, ექიმებმა ის იზოლატორშივე მოინახულეს, თუმცა კლინიკაში არ გადაუყვანიათ.

“არის ნაცემი. მოხდა მასზე ფიზიკური ანგარიშსწორება. სახის და თავის არეში აქვს, ძირითადად, დაზიანებები მიყენებული. განიცდის ტკივილებს თავის და სხეულის სხვადასხვა არეში. ასევე, დაზიანებები აქვს ხელებზე, ხელბორკილების მოჭერის შედეგად – რამდენიმე საათი ჰქონდა მჭიდროდ გაკეთებული ხელბორკილი”, – ამბობს ეკა ქობესაშვილი.

ლაზარე გრიგორიადისი, გათავისუფლებიდან სამ კვირაში, 14 მაისს, რუსული კანონის საწინააღმდეგო აქციაზე, პარლამენტის მიმდებარე ტერიტორიაზე დააკავეს. 

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.