Marneuli yerli özünüidarəsi uzunmüddətli inkişaf strategiyası çərçivəsində planlaşdırılan ictimai müzakirə üçün sadələşdirilmiş qaydada 700 buklet və 300 döş nişanı satın alıb.

Sadələşdirilmiş satınalma üzrə məruzə vərəqəsinə əsasən, meriya 300 gürcüdilli, 300 azərbaycandilli və 100 ermənidilli buklet sifariş verəcək.

"Məlumat üçün bildiririk ki, Marneuli bələdiyyəsinin uzunmüddətli inkişaf strategiyası çərçivəsində sənədin ictimai müzakirəsi planlaşdırılır. Bu da cəmiyyətin geniş

iştirakını və məlumatlılıq səviyyəsinin artırılmasını nəzərdə tutur.
Sözügedən prosesin səmərəli idarə olunması məqsədilə məlumat materiallarının əlçatanlığı mühüm əhəmiyyət kəsb edir. Xüsusilə, əhalini strategiyanın əsas istiqamətləri, prioritetləri və imkanları ilə tanış edəcək məlumat bukletlərinin hazırlanması nəzərdə tutulur", — satınalma sənədində qeyd olunub.

Məruzə vərəqəsinə görə, ictimai müzakirənin səmərəli təşkili məqsədilə əlavə olaraq asqısı olan 300 ədəd çap edilmiş beycə ehtiyac var ki, bu da tədbirin mütəşəkkil mühitdə keçirilməsini təmin edəcək.

Marneuli meriyası bukletləri və döş nişanlarını fərdi sahibkar Əkrəm Qahramanovdan 1 290 lariyə alıb.

"Marneuli" radiosuna meriyadan bildirdilər ki, hazırkı mərhələdə uzunmüddətli inkişaf strategiyasının ictimai müzakirəsinin keçiriləcəyi vaxt məlum deyil.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.