Xaricdə təqaüdlü təhsil almaq üçün Mareulidə görüş keçiriləcək
22
fevral tarixində, saat 16:00-da Marneulidə, “Çay Evi”-də “Rhazes
Global” beynalxalq konsultasiya şirkətinin təşkilatçılığı,
"İnkşaf və Təhsil mərkəzi"-nin dəstəyi ilə, xaricdə təqaüdlü təhsil
imkanları haqqında təqdimat baş tutacaq.
Tədbir zamanı “Rhazes Global”-ın Gürcüstandakı ofisinin direktoru
Şahsuvar Hacızadə iştirakçılara xarici ölkələrdə, İtaliya və Çində
bakalavr, magistratura və doktoranatura üzrə təqaüdlü təhsil almaq
imkanları ilə bağlı məlumat verəcək.
Tədbirin əsas məqsədi Marneulidə olan gəncləri maarifləndirməkdən
ibarətdir. Görüşdə iştirak etmək sərbəstdir.
Xaricdə təqaüdlü təhsil almaq istəyən şəxslər üçün ərizə qəbulu
mart ayının 21-ə qədər davam edəcək.
Qeyd edək ki, "Rhazes Global" beynəlxalq konsultasiya şirkəti
Gürcüstan da daxil olmaqla 9 ölkədə fəaliyyət göstərir.