"Beynəlxalq Ana Dili Günü" ilə bağlı Marneulidə tədbir keçiriləcək
21
fevral tarixində, saat 15:00 -da Gürcüstan Azərbaycanlılarının
İnteqrasiya Mərkəzində “Beynəlxalq Ana Dili Günü” münasibəti ilə
tədbir keçiriləcək.
GAİM-in icraçı direktoru Aygül İsayeva “Marneuli” radiosu ilə
söhbəti zamanı bildirdi ki, tədbir zamanı GAİM-in şagirdləri
Azərbaycanın dahi şairlərinin şeirlərini səsləndirəcəklər. İsayeva
onu da qeyd etdi ki, tədbirdə Marneulidən olan gənc muğam ifaçıları
öz ifalarını təqdim edəcəklər.
“Tədbirə bir sıra ziyalıları dəvət etmişik. Tədbirin
keçirilməsinin əsas məqsədi dilimizin qorunması, saxlanılmasıdır.
Etnik azlıq olaraq dilimizi qorumağı bacarmalıyıq”, –
Aygül İsayeva dedi.
Qeyd edək ki, tədbirdə dəvətlilərlə birlikdə maraqlanan şəxslər də
iştirak edə bilərlər.
Xatırladaq ki, 1999-cu ildə UNESCO tərəfindən fevral ayının 21-i
Beynəlxalq Ana Dili Günü qəbul edilib.