Sadaxlı kənd sakinləri kənddə yerləşən apteklərdə tibbi maska tapa
bilmirlər.
Sakinlərin sözlərinə görə, kənddə yerləşən apteklərdə 20 tetriyə
olan maskalar 1 günə 2 ya 3 ədəd satılırmış. Amma bir neçə gündür
ki, tibbi maskaların toplu şəkildə alınmasına görə kənddə maska
üçün aptekə müraciət edən sakinlər əli boş qayıtmalı olurlar.
Kənd sakinlərinin tibbi maskaya olan ehtiyacının səbəbi isə hava
şəraiti və Çində olan “Koronavirusun” qonşu ölkə İranda da
yayılmasıdır. Onlar virusun Gürcüstanda da yayılmasından
qorxduqları üçün apteklərə müraciət edərək tibbi maskalar alır və
bu şəkildə özlərini virusdan qorumağa çalışırlar.
Qeyd edək ki, Sadaxlı kəndində cəmi 5 aptek fəaliyyət göstərir. Bu
apteklərdən yalnız Sadaxlı kənd sakinləri deyil, eyni zamanda
Xuldərə, Mollaoğlu, Tsopi kənd sakinləri də istifadə edirlər.
Xatırladaq ki, İrandakı yeni növ koronavirus (Kovid-19)
qurbanlarının sayı 12 nəfərə çatıb, 47 nəfər isə virusa yoluxub.
Koronavirusun İranda yayılması səbəbindən Gürcüstan İranla olan
uçuşları dayandırıb.
Müəllif - Aysun Şaparayeva