24 fevral tarixində, Marneuli
bələdiyyəsinin Gender Bərabərliyi Şurasının ilk görüşü baş tutub,
lakin mətbuata görüşlə bağlı məlumat Bələdiyyə Məclisinin facebook
səhifəsində şura görüşünü təsvir edən fotolar yerləşdirildikdən
sonra məlum olub.
Qeyd ediblər ki, görüşdə 2020-ci ilin fəaliyyət planı da müzakirə
olunub.
“Marneuli” radiosu ilə söhbəti zamanı Bələdiyyə Məclisinin
İctimaiyyətlə, QHT, Mətbuatla Əlaqələr və Gender Şöbəsinin rəhbəri
İa Esebua bildirdi ki, iclas mətbuat üçün qapalı olub çünki görüş
işgüzar xarakter daşıyırmış.
“Bizim üçün radio və televiziyanın olması çox yaxşıdır,
sadəcə işgüzar görüş olduğuna görə üzvlərə məlumat vermək
istəyirdik ki, bizim şuraya daxil olacaqlar və nə etməlidirlər,
yalnız ona görə üzv olmayacaqlar ki, şura üzvü adını daşısınlar.
Çox böyük planlarımız var, məbləğ də ayrılıb. Bu adamlar maksimum
dərəcədə bərabər şəkildə qoşulmalıdırlar”, – İa
Esebua dedi.
Esebuanın sözlərinə görə, hazırda şuranın cəmi 24 üzvü var ancaq
bir hissəsi şuradan getmək digər hissəsi üzv olmaq istəyir.
“Elə adamlar var ki, şuradan çıxa bilər və hazırda dörd
ərizə daxil olub əlavə adam daxil olacaq. Bundan ikisi meriyanın
ikisi Bələdiyyə Məclisinin əməkdaşlarıdır”.
İa Esebua bildirir ki, güman ki, iki həftə
ərzində açıq iclas olacaq və üzvlər 2020-ci ilin fəaliyyət planını
yazacaqlar.
Gender Bərabərliyi Şurası Marneuli bələdiyyəsində artıq üçüncü
ildir ki, fəaliyyət göstərir. Büdcədən istifadə etmək hüququ isə
2018-ci ildə verilib və özünüidarəetmə şuraya 12 000 lari ayırıb.
İndi isə bu məbləğ daha da artıb və 30 000 lari təşkil edir. İa
Esebuanın sözlərinə görə, bu məbləğin 15 000 larisi bələdiyyədə
məlumatlandırmanın daha da artırılmasına sərf olunacaq.