Marneulinin “Geo Hospitals” klinikasından Luqar labortaoriyasına göndərilmiş doqquz analizdən hamısının cavabı mənfidir.
Bu haqda “Marneuli” radiosuna mərkəzin kliniki direktoru Tata Şenqelaia məlumat verib. Onun sözlərinə görə, koronavirusa görə götürülmüş 9 analiz Luqar laboratoriyasına göndərilibmiş. Analizlər Marneulili və Bolnisili xəstələrdən götürülüb və yoxlanılması üçün ötən gün, 4 may tarixində göndərilib. Klinikadan bu gün də analizlərin göndəriləcəyi gözlənilir.

Bu günə olan məlumatlara görə, Gürcüstanda 604 nəfər koronavirusa yoluxub, onlardan 240 nəfəri sağalıb, 9 nəfəri isə dünyasını dəyişib. 2 may tarixinə olan məlumata görə, Marneulidə virusa ümumilikdə 33 nəfər yoluxub. 2 may tarixində Marneulinin təcili yardım xidmətinin 8 əməkdaşında COVİD-19 təsdiqlənib.

Gürcüstan hökuməti 23 mart tarixindən Marneuli və Bolnisi bələdiyyələrində sərt karantin elan edib. Bələdiyyələrə giriş-çıxış qadağandır. Girişlərdə 12 buraxılış məntəqəsi yaradılıb.