6-7 ildir tamamilə quruyan Bolnis çayı (Poladauri çayı) bu günlərdə bol sulu gəlməyə başlayıb
12:47 / 08.05.2020
Bolnisi çayı, Çatax kəndindən (Poladauri kəndi) başlayaraq
Şəmşiöyü, Xaçın, Kəpənəkçi kəndlərinin içindən keçir.
Son illər havanın quraqlıq keçməsinə görə, çay tamamilə qurumuşdu.
Çay kənarında yaşayan əhali illər sonra Bolnis çayının bir də
gələcəyindən ümid etmirdi. Bu gün sakinlər suyun səsini
eşidirlər.
Bolnis çayından əvvəllər əhali əsasən suvarma sahəsində istifadə
edirdilər. Bu çay quruduqdan sonra isə uzaq məsafədə olan başqa bir
çaydan çətinliklə su ayırıb məhsullarını suvarırlar.
“Heç kəsin ümidi yox idi ki, bu çay bir də gələr. Amma
son günlər havaların bol yağışlı keçməsindən sonra çay nəhayət ki,
gəldi. Meyvə-tərəvəzlərini rahatlıqla suvara biləcəkləri üçün kənd
sakinləri bu hadisəyə çox sevindi. Suvarma işlərimizi uzaqda olan
çaydan gətirmək çox çətin idi və yetərincə təsirli olmurdu, amma bu
mövsüm hər kəs məhsulunun daha çox olacağına inanır”,
– Kəpənəkçi kənd sakini, Məhərrəm Göyüşlü dedi.
Məhərrəm Göyüşlü təəssüflə qeyd edir ki, əgər havalar yenə çox
quraqlıq keçsə, bir neçə aydan sonra çay yenidən quruyacaq.