7 may tarixində Marneulidə 370 nəfər koronavirus testindən keçib.
Marneuli meri Zaur Darğallının “Marneuli” radiosuna verdiyi
məlumata görə indiki mərhələdə son 15 testin cavabını
gözləyirlər.
“Aldığımız qalan cavablara görə, heç kimdə koronavirus
təsdiqlənməyib. Bu adamlar əhali ilə təmasda olan dövlət məmurları
və özəl sektor nümayəndələridirlər”, – Zaur Darğallı
bildirib.
7 may tarixində Marneulinin “Geo Hospitals” klinikasının 15
əməkdaşı və 5 xəstədən koronavirusa görə analiz götürülüb. Onların
cavabı da mənfidir.
6 may tarixində koronavirusla bağlı geniş miqyaslı test aparılıb.
Ümumilikdə 303 nəfərdən analiz götürülüb. Onların heç birində virus
təsdiqlənməyib.
Marneuli bələdiyyəsi 23 may tarixində bağlanıb. Bələdiyyəyə
giriş-çıxış qadağandır. Girişlərdə 12 buraxılış məntəqəsi
yaradılıb.
18 may tarixindən Marneuli açılacaq. Bu haqda Qiorqi Qaxaria 7 may
tarixində hökumət iclasında bildirib.
Mənbə: marneulifm.ge