Gənclər son zənglərini belə keçirdilər – (Foto/Video)
18:28 / 17.05.2020
Sadaxlı kəndinin 1 və 2 saylı məktəblərinin 12 sinif şagirdlərindən
bir neçə dost son zəngi məktəbdə qeyd edə bilmədikləri üçün,
toplaşaraq meşəyə gedib və orada qeyd ediblər.
Biz də bu gözəl mənzərəyə şahid olduq. Onlar məktəb xatirələrini
bölüşdülər, maraqlı oyunlar oynadılar, bir-birilərinin məzun
lentlərinə öz ürək sozlərini yazdılar. Bir sözlə məktəbsiz son zəng
keçirdilər və bunu “Kitayski son zəng” adlandırdılar.
Bildiyiniz kimi, hər il 15 – 25 may aralığında 12-ci siniflər məzun
olar və son zəng qeyd edərdilər. Amma bu il koronavirusa görə heç
bir məzun məktəbdə son zəngi qeyd edə bilmədi, məktəb həyatının ən
önəmli, ən maraqlı anlarından birini yaşaya bilmədilər. Bunun üçün
də demək olar ki, hər bir məzun çoz üzgündür.
“Məktəbi çox sevirəm, ömrümün 2/3 hissəsini məktədə keçirmişəm.
Bəzən gülmüşük, bəzən ağlamışıq, bəzən də istəmədən belə olsa,
müəllimlərimizin qəlbini qırmışıq, dərsdən qaçmışıq, amma hər zaman
sonunda doğru olanı bilmişik. Və indi isə, illərdir bizlər üçün
əziyyət çəkən müəllimlərdən, qardaş-bacı kimi olduğumuz sinif
yoldaşlarımızdan sağollaşmadan ayrılmaq
məcburiyyətindəyik”, – Eldar Meyxanımov dedi.
“Kim istəməz ki, o son zəngi çalmaq?! Kim istəməz ki
hər məktəbli kimi öz son zəngində öz xatirələrini danışmaq?!
Düşünməzdim ki, son zəng qeyd etmədən məktəbdən ayrılaram. Amma nə
edək, ölkəmiz çətin dönəmdən keçir. Bir vətəndaş kimi bizim də
üstümüzə düşən qaydalara riayət etməkdir. Ümid edirəm ki tezliklə
hər şey yaxşı olacaq“, – Eltun Şərifov dedi.