“Gürcü arzusundan” Marneulinin majoritar deputatının kim olacağı hələ ki, məlum deyil
Parlament seçkilərinə təxminən 5 ay qalıb. “Gürcü arzusundan”
Marneulinin majoritar deputatı Tamaz Naveriani Marneulidən
majoritarlığa kimin namizəd olacağını hələ bilmir.
“Hələ qərar qəbul edilməyib və hələ ki, bu haqda söhbət
aparılmır. Yaxın gələcəkdə olacaq. Gözləyək, hadisələri
qabaqlamayaq” -o, deyib.
Naverianinin majoritarlığa namizəd rolunda özünü görüb görməməsi
ilə bağlı “Marneuli” radiosunun sualına o, cavab verib ki, bu
məsələ ilə bağlı komandanın mövqeyinin və baxışının necə olacağı
əhəmiyyətlidir.
“Baxaq qərar verənlərin bu məsələ ilə bağlı mövqeyi necə olacaq və
ona əsasən qərar qəbul edəcəyik. Mən ancaq bunu deyə bilərəm”, -
Tamaz Naveriani deyib.
2020-ci ilin Parlament seçkiləri yenidən qarışıq qaydada
keçiriləcək. Ancaq majoritar və proporsional deputatların sayı
dəyişmiş olacaq.
120/30, müxalifət və iqtidar partiyasının razılaşması ilə
proporsional və majoritar qaydada seçilmiş deputatların sayı belə
bölünüb.
2016-cı ildə keçirilən Parlament seçkilərinə əsasən Marneuli iki
majoritar dairəyə bölünmüşdü. Yeni sistemə əsasən isə Marneulidə
yalnız bir majoritar dairə olacaq.