Marneulidə “Yay bağçasının” fəaliyyət göstərəcəyi hələ məlum
deyil. Marneuli Uşaq Bağçaları Birliyinin rəhbəri Zaur Kərəmov
deyib ki, bunların hamısı epidemioloji vəziyyətdən asılıdır.
“22 may tarixindən sonra məlumatımız olacaq. Əgər
fövqəladə vəziyyət ləğv olunarsa ola bilsin oldu. Amma dəqiq deyə
bilmərəm, hələ görək necə olacaq”,– Zaur Kərəmov
bildirib.
Marneulidə “Yay bağçalarının” çalışma təcrübəsi illərdir mövcuddur.
Hər il yay bağçasının funksiyasını bələdiyyədə 1 saylı uşaq bağçası
üzərinə götürür. Ötən il həmin bağça 42 körpə qəbul edib.
Qeyd edək ki, Tbilisinin Uşaq Bağçalarının İdarəsi Agentliyinin
məlumatına görə “Yay bağçaları” sosial layihəsi iyul ayında həyata
keçirilməyəcək. Çünki pandemiyaya görə müəyyən risklər var. Qeyd
olunan qərarı anti-böhran şurası qəbul edib.