12-ci sinif şagirdləri üçün son zəng qeyri-adi rejimdə, distan
şəkildə, məktəbdən uzaqda çalınıb.
Yekun sinif şagirdlər üçün bu gün, 20 may tarixində təhsil prosesi
başa çatdı. Xixani kəndində yaşayan Lela Maxaradze 12 ildir
gözlədiyi bu günü tək qeyd edir.
“Həqiqətən də qəribə hissdir. Bu günlə bağlı tam başqa
təsəvvürüm var idi. Planlarımızı qurduq amma həyata keçirə
bilmədik. Təəssüf ki, son zəngi vura bilmirik. Ancaq təxirə saldıq
və düşünürük ki, sonra mütləq qeyd edəcəyik. Bu gün simvolik olaraq
məktəbə gəldim”.
Lela kimi Marneuli bələdiyyəsinin Tsereteli kənd ictimai məktəbinin
12-ci sinif şagirdi Mari Breqvadze də məktəbi qəribə mühitdə
bitirib. Onun bizimlə söhbəti zamanı bildirdiyinə görə, sinif
yoldaşları simvolik olaraq köynəkləri də yazıb və pandemiya
şəraitində ən vacib və aktual atribut olan maskaları da
rəngləyiblər. Təbrikləri isə distant şəkildə, müəllim və şagirdlər
video çarx vasitəsilə qeydə alıb.
“Bu vəziyyətdə məktəbi bitirdiyimə görə çox üzüldüm.
Amma çox sevinirəm ki, nəisə edə bildik və az da olsa qeyd etdik.
Köynəklərə Covid-19 rəsmi çəkdirdik, o, düşündü və bizi də
sevindirdi”.
Tsereteli ictimai məktəbinin müəllim və şagirdləri öz ürək
sözlərini distant (məsafədən) şəkildə video çarx vasitəsilə
hazırlayaraq məktəbin veb səhifəsində paylaşıblar.
Luka Nadiradze Tsereteli ictimai məktəbinin gürcü dilli sektorunun
12-ci sinif şagirdidir. O, sinifdə yeganə oğlan məzundur. Sinifdə
ümumilikdə yeddi, 6 qız 1 oğlan təhsil alırmış.
"Vəziyyətə uyğunlaşmışdım və bir-birimizə də
öyrəşmişdik. Qızlar da mənə elə yanaşırdılar ki, sinifdə tək oğlan
olduğumu hiss etməyim. Planlarımız çox idi. Konsert keçirmək,
ənənənəvi olaraq maşınlarla gəzməyə getmək istəyirdik. Amma təəssüf
ki, koronavirus bizə mane oldu. Ruhdan düşürük amma başqa yol
yoxdur".
Marneuli bələdiyyəsi miqyasında məktəbi 898 12-ci sinif şagirdi
bitirib.
Marneulinin 5 saylı ictimai məktəbi də “ZOOM” vasitəsilə “Son
zəngin” distan şəkildə qeyd olunmasını planlaşdırır.
Qeyd edək ki, abituriyentlər üçün “Teleməktəb” çərçivəsində
ayrılmış xüsusi dərslər 15 iyuna qədər davam edəcək.