Marneulidə aqro dizel endirim kartlarının verilməsi üçün mərkəz
açılıb. Qeyd olunan mərkəzə, mədəniyyət evinin binasında səhərdən
fermerlər qəbul olunur.
Araflı kənd sakini Binnət Binnətov artıq yanacaq üçün endirim
kartından istifadə edib. Onun 5 hektar torpaq sahəsi var və özünün
dediyinə görə, yanacaqdan qarğıdalını toplamaq üçün istifadə
edəcək.
Marneulidə aqro dizel endirim kartlarının verilməsi üçün dörd nəfər
hazırlanıb. Onlar arasında meriya və Kənd Təsərrüfatı Nazirliyinin
nümayəndələri də var. Mərkəzə gedən vətəndaşlar binaya
termoskrininqdən və dezinfeksiyadan keçdikdən sonra buraxılır.
Ətraf Mühitin Mühafizəsi və Kənd Təsərrüfatı Nazirliyinin Kvemo
Kartli Regional İdarəsinin rəhbəri Qeronti Sivsivadze deyir ki,
yardım almaq üçün prosedur asandır. Vətəndaşa aid olan yanacaq
talonu şəxsiyyət vəsiqəsi əsasında verilir.
“0.25 hetardan yuxarı torpaq sahəsi qeydiyyatda olan
vətəndaşlar bir hektarı hesablamaqla 150 litr endirim kartı
alacaqlar və “Socar Georgia”nın benzin doldurma dayanacaqlarından
istifadə edəcəklər. Yanacağı isə həmin vaxt mövcud olan qiymərdən
bir lari ucuz qiymətə alacaqlar”.
Güzəşt almaq üçün əsas tələblərdn biri odur ki, şəxsin mütləq
İctimai Reyetsrdə torpaq sahəsi qeydiyyatda olmalıdır. Başqa halda
talon verilmir. Sivsivadze deyir ki, vətəndaşın şəxsi nömrəsi
əvvəlcədən yaradılmış bazaya daxil edilir, sistemdə onun olub
olmaması yoxlanılır və nəticədə avtomatik olaraq müvafiq talonlar
çap olunur və təhvil vermə-qəbul etmə aktı bağlanır.
“Aqro dizel yanacağının yardım kartında başqa
layihələrdə olduğu kimi xüsusi məhdudiyyətlər yoxdur. Burada
məhdudiyyət var ki, minimal torpaq sahəsi 0.25, maksimum isə 100
hektar olmalıdır. Yəni 150 litri 100 vursaq 15 000 litr alınır və
bundan artıq neçə hektar olsa da daha ala bilməyəcək. Bu bizdən
asılı deyil. Kompüterdə aplikasiya doldurulmalıdır və avtomatik
olaraq hər şeyi göstərir”.
Ətraf Mühitin Mühafizəsi və Kənd Təsərrüfatı Nazirliyinin Kvemo
Kartli Regional İdarəsinin rəhbəri Qeronti Sivsivadzenin sözlərinə
görə, bələdiyyə miqyasında olan adamlara yalnız Marneuli Mədəniyyət
Mərkəzi xidmət göstərə bilməz. Ona görə də talon vermək həm də
müxtəlif qurumların səlahiyyətidir.
“Ədliyyə Evləri, İctimai mərkəzlər, Qaçağanda və
Sadaxlıda olan mərkəzlər, Liberti Bank da prosesə qoşulublar. Onlar
da 1 iyundan çalışmağa başlayacaqlar. Çünki müəyyən infrastruktur
hazırlanmalıdır və ona qədər Mədəniyyət Evinə kim gələrsə heç kimin
ürəyini qırmayacağıq. Əgər lazım olarsa biz xidmət nümayəndələrinin
sayını artıracağıq amma hələ buna ehtiyac
yoxdur.”
Sivsivadzenin sözlərinə görə, Marneuli ərazi birliyi
nümayəndələrinə artıq üç dildə material təqdim olunub və əhaliyə
məlumatlandırmaq üçün paylanması tapşırığı verilib.
“Məlumat materialları gürcü, azərbaycan və erməni
dilindədir. Onlar kənddə mərkəzi yerlərə yapışdırılacaq. Həmçinin,
bizim əlaqə nömərmiz də qeyd olunub. Qrafik düzəldirik ki, xaos
vəziyyət alınmasın. Bu qrafik isə bu gün axşam bütün kənd
müvəkkilərinə veriləcək”.
Aqro dizel güzəşt kartının verilməsi mərkəzi Marneulidə, Mədəniyyət
Evinin binasında hökumətin anti-böhran planı çərçivəsində kənd və
kənd təsərrüfatının inkişaf agentliyi və meriyanın dəstəyi ilə
açılıb.
Paralel olaraq daha bir “Kənd təsərrfütatı torpaq sahiblərinin
stimullaşıdırılması” proqramı da aparılır. Proqram 2020-ci ilin
sonuna qədər davam edəcək.
Topraq sahəsi qeydiyyatda olmayan fermerlər dövlət yardım
proqramına qoşula bilməyəcəklər.