Karantindən əvvəl xarici ölkəyə gedib karantinə görə ölkəyə qayıda
bilməyən müəllimlər dərslərini onlayn şəkildə keçə bilərlər.
“Marneuli” radiosu ilə söhbəti zamanı Marneuli Resurs Mərkəzinin
direktoru Kənan Ömərov bildirdi ki, karantindən əvvəl dekretə çıxıb
xarici ölkəyə səfər edən və ya başqa hər hansı bir iş səbəbi ilə
ölkə xaricində olan müəllimlər “Teams” və ya “Zoom” proqramı ilə
dərslərə qoşularaq, dərslərini onlayn şəkildə keçə bilərlər.
Ömərov bildirdi ki, müəllimlərin dərslərini məktəbin verdiyi
cədvələ uyğun olaraq distant şəkildə keçməsində heç bir problem
yoxdur. Lakin ölkə xaricində olan müəllim onlayn şəkildə dərslərini
keçmək istəməsə, bu zaman o, yaşadığı ölkədən məktəbə müraciət
edərək, tətili uzatması ilə bağlı onlayn şəkildə sənəd təqdim
etməlidir.
Qeyd edək ki, ictimai məktəblərdə onlayn şəkildə dərslər 15 iyun
tarixinədək davam edəcək.