Marneuli bələdiyyəsinin Xüldərə kəndində 25 yaşlı gənc 77 yaşlı
həmkəndlisini qarət edib.
Müttəhim zərərçəkənin evinə daxil olub, ona qarşı fiziki güc tətbiq
edib və 1 600 lari götürərək hadisə yerindən qaçıb gizlənib.
Gürcüstan Daxili İşlər Nazirliyinin rəsmi veb səhifəsində yayılmış
məlumata görə, Kvemo Kartli Polis Departamentinin Marneuli Rayon
Polis İdarəsinin əməkdaşları həyata keçirdikləri operativ-əməliyyat
nəticəsində qarət törətməkdə ittiham olunan 1995-ci il təvəllüdlü
A.B.-ni hadisədən bir neçə saat sonra isti izlərlə saxlayıb.
Polis qarət olunmuş pulu maddi dəlil kimi müsadirə edib.
DİN-in bəyanatına görə, baş vermiş faktla bağlı Cinayət
Məcəlləsinin 178-ci maddəsinin 2-ci və 3-cü hissəsi ilə istintaq
aparılır.
Törədilmiş cinayətə görə 4 ildən 8 ilədək azadlıqdan məhrumetmə
cəzası nəzərdə tutulur.