Marneulinin “Geo Hospitals” klinikasında koronavirus əlamətləri ilə
heç bir xəstə yoxdur.
Xəstəxananın kliniki direktoru Tata Şenqelaia “Marneuli” radiosuna
bildirib ki, tibbi mərkəzə 25 may tarixində koronavirus əlamətləri
ilə xəstə gətirilməyib. 26 may tarixində saat 12:00-a qədər də
klinikaya koronavirus əlamətləri ilə xəstə gəlməyib.
Marneulinin “Geo Hospitals” klinikasında artıq 22 gündür ki, virusa
yoluxma qeydə alınmayıb. 6 maydan 9 maya qədər aparılmış 1 635
testdən yalnız ikisinin cavabı müsbət olub.
Marneuli bələdiyyəsi 55 gün bağlı qaldıqdan sonra 18 may tarixində
açılıb.