1 iyun Uşaqların Müdafiəsi Günüdür. Marneuli bələdiyyəsində bu gün
fərqli mühitdə – virtual şəkildə qeyd olunacaq.
Mədəniyyət Mərkəzinin direktoru Nato Şavişvili bizimlə söhbəti
zamanı bildirdi ki, onların təşkilatçılığı ilə bu gün saat 15:00-da
uşaqlar üçün əyləncəli tədbirlər keçiriləcək. Tədbirləri Mədəniyyət
Evinin “Facebook” səhifəsindən canlı izləmək mümkün olacaq.
“Məhdudiyyətlərdən irəli gələrək açıq tədbirlər
planlaşdırılmır, amma bizim “Facebook” səhifəmizdə xüsusi olaraq
Marneulili uşaqlar üçün hazırlanmış, maraqlı personajlarla yazılmış
video yayımlanacaq”, – Nato Şavişvili deyib.
Qeyd edək ki, Marneulidə Uşaqların Müdafiəsi Günü hər il
genişmiqyaslı tədbirlərlə qeyd olunur. 1950-ci ilin 1 iyunundan
sonra bu gün dünya miqyasında bir çox ölkədə qeyd olunmağa
başlayıb.
Uşaqların Beynəlxalq Müdafiəsi Gününün məqsədi dövlətlərə hər bir
uşağın firavanlığını təmin etmə öhdəliyini xatırlatmaqdır. 1 iyun
uşaqları həyat və sağlamlıq, əlçatan təhsil və müvafiq həyat
şəraitlərindən yararlanmaq hüququnun həyata keçirilməsini nəzərdə
tutur.