Marneulidə yol-nəqliyyat hadisəsi zamanı bir nəfər ölüb, bir nəfər
isə yaralanıb.
Bu gün, 18 iyul tarixində səhər saatlarında Şulaveri kəndi
yaxınlığında yol nəqliyyat hadisəsi baş verib. Hadisə nəticəsində
bir nəfər dünyasını dəyişib, bir nəfər isə ağır yaralanıb.
Məlumata görə, qəzaya səbəb sürücünün yüksək sürətlə avtomobili
idarə etməsi olub.
"Marneuli" radiosuna verilən məlumata görə, həyatını itirən şəxs
müğənni İbrahim Borçalının oğlu olduğu deyilir. O, hadisə yerindəcə
dünyasını dəyişib. Avtomobildə olan digər şəxs isə xəstəxanaya
aparılıb. Onun vəziyyətinin ağır olduğu bildirilir.
Məlumatda o da bildirilir ki, hər iki gənc Aşağı Saral kənd
sakinləri olub.
Qəza zamanı hadisə yerinə polis səfərbər olunub.