Marneuli meri Zaur Darğallı “Gürcü Arzusu”nun Marneuli və
Qardabani majoritar seçki dairəsindnən deputatlığa namizədi
olacaq.
Darğallı “Marneuli” radiosu ilə söhbəti zamanı bildirdi ki, onun
namizədliyinin irəli sürüləcəyi ilə bağlı qısa zamandır ki,
məlumatı var.
“Bu məsələ ilə bağlı partiya liderləri ilə müzakirələr
aparılırdı və sonra bu barədə mənə bildirdilər. Mənim üçün ən
mühümü əhali ilə, Marneuli ilə ünsiyyətdir. İndi Qardabani də əlavə
olunur və bir il əvvəl Marneulidə qazandığımız qələbə kimi əminəm,
yenə qələbə qazanacağıq”, – Zaur Darğallı
bildirdi.
Marneuli meri və majoritarlığa namizəd dedi ki, seçki proseslərinə
qoşulmaq üçün mer vəzifəsindən nə zaman istefa verəcəyi hələ məlum
deyil.
“Mən parlamentin gələcək üzvü kimi hər şey edəcəyəm ki,
Marneulilərin, eləcə də Qardabani sakinlərinin Parlamentdəki səsi
olum. Parlamentin fəal üzvü olmaq üçün hər şey edəcəyəm ki,
yerlərdə problemlər həll olunsun və yerli özünüidarə güclənsin”,
– Zaur Darğallı dedi.
Darğallı “Marneuli” radiosunun Marneulidə son aylarda baş vermiş
hadisələrin seçkilərin nəticələrinə nə qədər təsir edəcəyi ilə
bağlı suala cavab olaraq bildirdi ki, əhali tərəfindən ona və
“Gürcü Arzusu” partiyasına tam dəstək var və o, qələbə çalacağına
əmindir.