Marneulidə 15 yaşlı qızı zorlayıblar - üç nəfər saxlanılıb
18:47 / 29.07.2020
Marneulidə 15 yaşlı qızı qaçırıb və zorlayıblar. Bu barədə
məlumatı Daxili İşlər Nazirliyi yayıb.
Qurumun məlumatına görə, DİN-nin Kvemo Kartli polis departamentinin
rayon idarəsinin əməkdaşlarının həyata keçirdikləri operativ
əməliyyat nəticəsində Marneuli bələdiyyəsində 3 nəfər saxlanılıb.
Hakimin hökmü əsasında saxlanılan 1995-ci il təvəllüdlü A.O.
həddi-buluğa çatmamış şəxsin qrup tərəfindən qanunsuz azadlıqdan
məhrum edilməsi və zorlamada ittiham olunur. 1998-ci il təvəllüdlü
A.O. və 1988-ci il təvəllüdlü A.Q. isə həddi-buluğa çatmamış şəxsin
qanunsuz azadlıqdan məhrum edilməsində ittiham olunur.
Törədilmiş cinayətə görə 7 ildən 20 ilə qədər yaxud ömürlük həbs
cəzasını nəzərdə tutulur.
"İstintaq nəticəsində aydın olub ki, müttəhimlər Marneulinin
kəndlərindən birində yaşayan 2005-ci il təvəllüdlü P.A-nı evlənmək
məqsədi ilə qaçıraraq, əvvəlcədən razılşaraq qanunsuz şəkildə
azadlıqdan məhrum ediblər və yaxınlarının evinə aparıblar və A.O
həddi-buluğa çatmamış qızı zorlayıb. Polislər aparılan əməliyyat
nəticəsində üç nəfər müttəhimi istintaq başlayan günün səhəri həbs
ediblər", – DİN yazır.
Faktla bağlı Gürcüstan Cinayət Məcəlləsinin 143-cü maddəsinin 3-cü
hissəsinin “a” və “d” bəndləri və eləcə də 137-ci maddənin 4-cü
hissəsinin “q” bəndi ilə istintaq aparılır. Həmin maddələr
əvvəlcədən razılaşaraq qrup tərəfindən törədilmiş, cinayətkarın
şəxsin həddi buluğa çatmamış yaşda olmasını əvvəlcədən bilərək onu
qanunsuz şəkildə azadlıqdan məhrum etməsini və azyaşlı olduğunu
bilərək zorlamanı nəzərdə tutur.