Marneulidə İmirin “Kəsik təpə”-sinin üstü 2020-ci ildə
örtülməyəcək. Marneulinin maliyyə-büdcə xidmətinin rəhbəri Vüqar
Məmmədov Marneuli bələdiyyəsinin 2020-ci ilin büdcə layihəsinin
müzakirəsi zamanı bildirdi ki, 2020-ci ilin büdcəsində İmirdəki
“Kəsik təpə”-nin üstünün örtülməsi işləri üçün 750 000 lari nəzərdə
tutulmuşdu.
Bu gün, 30 iyul tarixində Vüqar Məmmədov “Marneuli” radiosuna
bildirdi ki, büdcə tərtib olunan zaman “Kəsik təpə”-nin
infrastruktur işlərinin smeta sənədləri hələ meriyaya təqdim
olunmamışdı.
“Biz büdcədə bu işlər üçün 750 000 lari nəzərdə tutduq.
Bununla yanaşı biz smeta sənədləri üçün tender elan etmişdik. Smeta
sənədlərinin dəyəri 3 milyondan artıq pul təşkil edir. Bizim yerli
büdcədə o qədər resursumuz yoxdur ki, bu il işləri həyata keçirək”,
– Vüqar Məmmədov bildirdi.
Marneuli meriyasının maliyyə-büdcə xidmətinin rəhbərinin
bildirdiyinə görə, yerli özünüidarə bu il İmirdəki “Kəsik təpə”-nin
hasarlanması işləri həyata keçirilməsinə qərar verib, obyektə yad
şəxslər daxil olmasın və arxeoloji abidəyə zərər vurmasınlar.
Meriya 2020-ci ilin 29 iyul tarixində İmirdəki “Kəsik təpə”-nin
hasarlanması işləri ilə bağlı tender elan edib. Hasarlanma
işlərinin həyata keçirilməsi üçün yerli özünüidarə 1 660 lari
xərcləməyi planlaşdırır.
Vüqar Məmmədovun bildirdiyinə görə, meriyada artıq İmirdəki “Kəsik
təpə”-nin üstünün örtülməsi işləri üçün 3 milyon lari haradan
ayrıla biləcəyi ilə bağlı müzakirə aparılır. Onun sözlərinə görə,
Gürcüstan Mədəniyyət Nazirliyi də məsələ barədə məlumatlıdır.
Qeyd edək ki, Marneuli meriyası “Kəsik təpə” arxeoloji kompleksinin
infrastruktur işləri üçün smeta sənədlərinin tərtib edilməsi üçün
2019-cu ilin 4 iyun tarixində tender elan etmişdi. Tenderdə yalnız
bir şikrət – “Atelye arxitekt” MMC iştirak etmişdi. Meriya şirkətə
119 770 lari ödəmişdi.