Bu gün, 10 dekabr tarixində Azərbaycanın Gürcüstandakı səfirliyində
Zəfər paradına həsr olunan tədbir keçirilib.
Bu barədə "Marneuli" radiosuna Azərbaycanın Gürcüstandakı
səfirliyindən məlumat verilib. Məlumata görə, tədbirdə Türkiyənin
Gürcüstandakı səfiri Fatma Ceren Yazqan da iştirak edib.
Həmin məlumatı sizə olduğu kimi təqdim edirik.
"Bu gün, Azərbaycanın torpaqlarının Ermənistanın işğalından
azad edilməsi uğrunda Vətən müharibəsində şanlı zəfərimiz
Azərbaycan Respublikasının Gürcüstandakı Səfirliyində Türkiyə
Cumhuriyyətinin Gürcüstandakı səfiri Fatma Ceren Yazqan və
əməkdaşları ilə birlikdə qeyd edilmiş, bu münasibətlə Bakı
şəhərində keçirilmiş Qələbə paradı birlikdə izlənilmişdir.
Tədbirdə Fatma xanıma Azərbaycan Respublikasının Gürcüstandakı
səfiri Faiq Quliyev tərəfindən Vətən müharibəmizdə zəfərimizin
rəmzi olan və Qarabağ torpağında becərdilmiş xarıbülbül gülü
hədiyyə edilmişdir.
Öz növbəsində Türkiyə Cumhuriyyətinin səfiri bu gülün Türkiyənin
Gürcüstandakı Səfirliyinin ərazisində olan bağdakı ən gözəl yeri
bəzəyəcəyinə söz vermişdir.
Qarabağ Azərbaycandır!
Yaşasın Azərbaycan-Türkiyə dostluğu, qardaşlığı!", –
səfirliyin məlumatında deyilir.