Gürcüstanın onuncu çağırış Parlamentinin birinci iclası keçirilib
12:43 / 12.12.2020
Bu gün, 11 dekabr tarixində Gürcüstanın onuncu çağırış
Parlamentinin birinci iclası keçirilib. İclasda yalnız “Gürcü
Arzusu”-nun nümayəndələri iştirak edib.
Səhərdən Parlament ərazisində etiraz aksiyaları keçirilir.
Toplaşmış vətəndaşlar Parlamentin yeni seçilmiş üzvlərini
qanunvericilik orqanına girən zaman “qullar” şüarı ilə yola
salıblar.
Onuncu çağırış Parlamentin ilk iclasını Gürcüstan Prezidenti Salome
Zurabişvili açıb. Zurabişvili açılış zamanı çıxışında bildirib ki,
gürcü xalqı hədə və məqsədi sabitliyin pozulması olan
təxribatlardan yorulub.
“Bir dairədə fırlanmaqdan “yorulduq”. Küçədən siyasi
proseslərin idarə olunması cəhdi ilə, dialoq əvəzinə hədə və
məqsədi sabitliyin pozulması olan təxribatlar! 30 il ərzində bütün
nəsillər küçədə dayanıb! Hamısı, həmçinin, mən də Parlament
pilləkənlərində dayanmışıq. Bu gün isə ölkəyə başqa şey
lazımdır!
İki siyasi qütb arasında daimi mübarizədən “yorulduq”: Zviadın
tərəfdarları, Zviada qarşı çıxanlar, Şevardnadze tərəfdarları,
Şevardnadzeyə qarşı çıxanlar və bunlar bu gün də davam edir. İndi
ölkənin birləşməsinə, həmrəyliyə və birliyə ehtiyacı var! Bitməyən
lənətdən, təhqirdən, gürcü və Qafqaz əxlaqına qarşı laqeydlikdən
“yorulduq”! Nifrət ölkəni parçalanmış, müdafiəsiz və zəif
vəziyyətdə qoyur. Bu zaman isə ölkənin problemlərlə mübarizə
aparmaq üçün milli enerjiyə ehtiyacı var”, – Salome
Zurabişvili bildirib.
Gürcüstan Prezidentinin çıxışı başa çatdıqdan sonra Parlamentin ilk
iclasını köhnə üzvlərdən olan Vladimer Kaxidze davam etdirib.
Kaxidzenin sözlərinə görə, ilk iclasda seçilmiş 88 deputat iştirak
edib.
İlk iclasla yanaşı seçkilərdə baryeri aşmış müxalifət partiya
üzvləri şagird gənclər bağında toplaşıblar və Parlament mandatını
tərk etməklə bağlı bəyanata imza atıblar. “Qirçi”, “Vətəndaşlar” və
“Respublikaçılar” partiyasının üzvləri bəyanata imza atmayıb.
“Gürcü Arzusu” ilə razılığa gəlməliyik, hansı tələblə
getmişiksə, ona nail olmalıyıq, cəsarətimiz olmalıdır və həmin
Parlamentə girməliyik. 60 müxalifətçi olacağıq, zarafat edirsiniz?
Bundan 90 nəfəri “Gürcü Arzusu”-ndan və ondan 60 nəfəri parçalanmış
müxalifətçi. Sonra isə özünidarə seçkilərinə gedək. Növbədənkənar
seçkilər olacaq, ya yox, yeni qaydalarla məğlub
edək”, – Aleko Elisaşvili bildirib.
“Qirçi”-nin lideri Zurab Caparidzenin sözlərinə görə, onlar
mandatların nümayişkəranə şəkildə tərk edilməsindən imtina eiblər,
ancaq partiya nümayəndələri seçki siyahılarını yenə də açacaqlar və
mandatları tərk edəcəklər.
“Respublikaçılar” partiyasının lideri Xatuna Samnidzenin sözlərinə
görə, o, və həmkarı Parlamentə getməyəcəklər, ancaq mandatlardan
imtina etmək danışıqların başa çatmasından asılıdır.
Nino Burcanadze şagird gənclik bağında mandatlardan imtina etmə
mərasimində çıxışı zamanı bildirib ki, memorandum üç hissədən
ibarətdir.
“Sənəd ilk olaraq Parlamentə De-Fakto girmiş deputatlar
tərəfindən imzalanınb, yəni onlar imza atıb ki, deputat mandatından
imtina edirlər. İkinci isə Parlamentə De-Fakto girmiş partiyaların
rəhbər şəxslərinin siyahıların ləğvi ilə bağlı imzasıdır. Üçüncü
formal şəkildə baryeri aşmış bütün müxalifət spektirinin, eləcə də
formal şəkildə baryeri aşmış partiyaların bir-birini dəstəkləməsi,
həmrəylik elan etməsi və növbədənkənar Parlament seçkilərinin tələb
edilməsi ilə bağlı imzasıdır”, – Nino Burcanadze
bildirib.
Müxalifət öz seçki siyahılarının ləğv olunması ilə bağlı MSK-ya
artıq müraciət edib. Müxalifətin müraciətini müzakirə etmək üçün
MSK-nın üç gün vaxtı var.