Marneulidə meriya ərazisində yeni il şam ağacı qurulur.
Yerli özünüidarədən bildirdilər ki, şəhərin əsas şam ağacı ötən
ilin ağacına oxşar olacaq.
İşıqlara pul xərclənməyəcək, belə ki, Marneulini ötən il istifadə
olunan işıqlarla bəzəyəcəklər. Meriya epidemioloji vəziyyətə görə
yeni il tədbirləri üçün də tender elan etməyəcək.
Qeyd edək ki, yerli özünüidarə 2020-ci ilin qarşılanması üçün 300
000 lariyə qədər pul xərcləmişdi.
Ötən il yeni il bəzəklərinin alınması, quraşdırılması, montaj
xidmətləri üçün 247 000 lari dəyərində tender elan edilmişdi. Yeni
il tədbirlərinin təşkil edilməsi üçün isə 49 150 lari
xərclənmişdi.