Marneuli Mədəniyyət Mərkəzinin təşəbbüsü ilə yeni il tədbirləri
onlayn formatda keçiriləcək.
Mərkəzin rəhbəri Nato Şavişvilinin sözlərinə görə, məhdudiyyətlərə
baxmayaraq istəyirlər ki, Marneuli sakinlərinə yeni il
əhval-ruhiyyəsi bəxş etsinlər.
“
Yeni il proqramı olacaq. Yeni il nömrələri, təbriklər,
tanış simalarla və azarkeşlərimizlə birgə qeyd
edəcəyik.”
Mədəniyyət Mərkəzi 2021-ci ili qarşılamaq üçün onlayn tədbirlərə
hazırlıqlara artıq başlayıb.
Yeni il əhval-ruhiyyəsi Marneuli küçələrində də hiss olunacaq.
Meriyanın ərazisində şam ağacı qurulur. Marneuli meriyasının
mətbuat xidmətindən bildirirlər ki, şəhərin əsas şam ağacı ötən
ilin şam ağacına oxşar olacaq və güman ki, 20 dekabr tarixində
işıqları yandırılacaq.
Qeyd edək ki, Yeni il işıqlarına pul xərclənməyəcək və Marneuli
ötən il istifadə olunmuş işıqlar ilə bəzədiləcək. Meriya
epidemioloji vəziyyətə görə yeni il tədbirləri üçün tender elan
etməyəcək.
Yerli özünüidarə 2020-ci ili qarşılamaq üçün 300 000 lariyə qədər
pul xərcləmişdi.