Marneuli meriyası təxminən iki aydır ki, 300 ədəd zibil konteyneri
alıb, ancaq hələ də paylanmayıb.
“Təmiz Marneuli” MMC-nin rəhbəri Leri Mumladze bildirdi ki, güman
ki, gələn həftədən zibil konteynerlərinin paylanılmasına
başlanılacaq.
“Paylaya bilmədik, çünki təhvil-təslim ilə bağlı xırda
məsələlər qalmışdı. Yəqin gələn həftə verəcəklər və paylaşmağa
başlayacağıq. Şəhərdə bütün konteynerləri dəyişməliyik. Güman ki,
şəhərə 160 ədəd konteyner qoyacağıq, qalanlarını isə kəndlər
arasında böləcəyik”, – Leri Mumladze dedi.
Yerli özünü idarə qeyd olunan konteynerləri almaq üçün təxminən 300
000 lariyə qədər pul xərcləyib.