Marneuli bələdiyyəsində ictimai məktəb direktorlarının bir qisminin
6 illik vəzifədə olmaq müddəti başa çatıb.
Yerli Resurs Mərkəzdən bildirirlər ki, Təhsil Nazirliyi
direktorların seçimi üçün müsabiqə elan edənə qədər məktəbləri
direktor səlahiyyətini icra edənlər idarə edəcək. Onların sözlərinə
görə, indiki mərhələdə bələdiyyədəki 74 məktəbdən 71-də direktor
səlahiyyətini icra edən var. Bundan əlavə yanvar ayında daha üçünün
vəzifə müddəti başa çatır.
Qeyd edək ki, iş təcrübəsi və müvafiq sertifikatı olan direktorlar
imtahan verməli olmayacaq. Onlar məktəblərə yenidən öz
namizədliklərini verə bilərlər. Direktorların seçilməsi
məktəblərdəki qəyyumlar şurasına əsasən olur. İctimai məktəb
direktorlarının seçim müsabiqəsi bir qayda olaraq 2020-ci ilim mart
ayında keçirilməli idi.
Ancaq koronavirusa görə imtahan təxirə salındı. Yeni tarix isə hələ
məlum deyil.