Marneuli meriyası bu il əməkdaşlara pul mükafatı verməyəcək. Bu
barədə məlumatı mer səlahiyyətlərini icra edən Zaur Tabatadze verdi
və qeyd etdi ki, yalnız Marneuli İctimai Səhiyyə Mərkəzinə əlavə
pul veriləcək.
“Heç bir mükafat, heç bir “on üçüncü maaş”, heç bir
əlavə verilməyəcək. Pul mükafatı yalnız İctimai Səhiyyə Mərkəzinin
əməkdaşlarına veriləcək.”
Zaur Tabatadzenin sözlərinə görə, İctimai Səhiyyə Mərkəzinin
əməkdaşlarına əlavə olaraq maaşın 80%-i veriləcək.
2019-cu ildə Marneuli meriyası əməkdaşlara 726 952 lari dəyərində
pul mükafatı vermişdi. Ötən il bizim əldə etdiyimiz ictimai
məlumata görə, meriyada 188 nəfər əməkdaşa mükafat verilmişdi.
Məlumatı “Marneuli” radiosu yayımlayıb.
Eləcə də Marneulinin qeyri-kommersiya hüquqi şəxsləri və MMC
əməkdaşları da pul mükafatı almışdı.
Bələdiyyənin 754 nəfər qeyri-kommersiya hüquqi şəxsləri və MMC
əməkdaşına ümumilikdə 507 502 lari dəyərində pul mükafatı verilib.
Buradan Marneuli bələdiyyəsinin Mədəniyyət, Klub, Kitabxana və
Muzey Birliyi qeyri-kommersiya hüquqi şəxsin 83 əməkdaşına
ümumilikdə 37 519 lari verilib; Marneuli bələdiyyəsinin idman
məktəbinin 72 əməkdaşına ümumilikdə 54 897 lari; Marneuli
bələdiyyəsinin Xəstəliklərə Nəzarət və İctimai Səhiyyə Mərkəzinin
18 əməkdaşına ümumilikdə 13 384 lari; Marneuli bələdiyyəsinin Uşaq
Bağçaları Birliyinin 314 əməkdaşına ümumilikdə 245 930 lari; Təmiz
Marneulinin 125 əməkdaşıan ümumilikdə 106 157 lari; Marneuli Kənd
Su MMC-nin 85 əməkdaşına ümumilikdə 20 455 lari; Marneulinin Üzvi
Tullantıların Emalı Müəssisəsinin 4 əməkdaşına ümumilikdə 1010 lari
və Marneuli bələdiyyəsi Avtoparkının 53 əməkdaşına ümumilikdə 28
150 lari verilib.