Bu gün, 28 dekabr tarixində səhər saatlarında Marneuli rayonunun
Qızılhacılı kəndinin ərazisində ölüm hadisəsi baş verib.
Belə ki, Bolnisinin Farizi kəndinin 62 yaşlı sakini idarə etdiyi
avtomobildə qəflətən dünyasını dəyişib.
Bu barədə məlumatı 24News.ge yayıb.
Məlumata görə, dünyasını dəyişən şəxs satmaq üçün Marneuli bazarına
kartof gətirirmiş.
DİN-dən “Marneuli” radiosuna bildirdilər ki, faktla bağlı Gürcüstan
Cinayət Məcəlləsinin 115-ci maddəsi ilə istintaq aparılır. Həmin
maddə intihar həddinə çatdırmanı nəzərdə tutur.
İstifadə olunan əsas şəkil 24News.ge-dən götürülüb.