Marneuli bələdiyyəsinin İkinci Kosalı kənd əhalisi deyir ki, ruhani
şəxs onlara torpaqları əkməyə mane olur.
Yerli sakinlərin bildirdiklərinə görə, onlar hər il 12 hektar
torpaq sahəsini əkib becərir. Onlar deyir ki, 2020-ci ildə dövlətə
rəsmi qaydada torpaq vergisi ödəyiblər.
Buna sübut olaraq sənədləri göstərdilər. Kadastr kodundan məlum
olur ki, qeyd olunan torpaq sahəsi dövlət əmlakıdır. Yerli sakinlər
bildirirlər ki, keşiş torpaq sahəsinin ona məxsus olduğunu iddia
edir.
Məsələni aydınlaşdırmaq üçün keşişə zəng vurduq. O, müsahibə
verməkdən imtina etdi.
Yerli özünüidarədən bildirirlər ki, qeyd olunan məsələ ilə bağlı
məlumatları var və öz səlahiyyətləri çərçivəsində məsələyə müdaxilə
edəcəklər.