"Bizimlə bağlı - bizsiz" – məhdud fiziki imkanlı şəxslərin hökumətin hesabatında əks olunmuş pandemiya şəraitindəki güzəranları reallıqdan uzaqdır
00:00 / 15.01.2021
“Bizsiz bizim barəmizdə heç nə” – hökumətin 2020-ci ilin
dekabrında, beynəlxalq fiziki imkanları məhdud şəxslər günündə
yayımladığı hesabatında yazılıb ki
, fiziki imkanları məhdud şəxslərə yanaşmada həmin beynəlxalq
prinsiplə rəhbərlik edəcəklər.
Hakimiyyətin iddiasına görə, fiziki imkanları məhdud şəxslər onlar
barədə qərarların qəbul edilməsi prosesinə fəal qoşulublar. Hökumət
hesab edir ki, COVİD-19 nəticəsində yaranmış böhran zamanı fiziki
imkanları məhdud şəxslərə məlumatların əlçatanlığı, sosial-iqtisadi
dəstək və icma üzvlərinin proseslərdə iştirakı ilə bağlı müvafiq
diqqət yetirilib. Marneulidə mövcud reallıq isə başqa şey
göstərir.
Əvvəldən başlayaq. Hökumət deyir ki, ölkədə tətbiq edilmiş
tənzimləmələr barədə fiziki imkanları məhdud şəxslər üçün
adaptasiya edilmiş video çarxlar hazırlayıb. Stopcov.ge-də,
hakimiyyət tərəfindən yaradılmış məlumat portalının ilk səhifəsində
məlumat xarakterli video çarxlar yüklənib. Ancaq çarxların heç
birində fiziki imkanları məhdud şəxslər üçün tərcümə
yerləşdirilməyib. Yardım kateqoriyasında yerləşdirilmiş məlumatda
görmə qüsuru olanlar üçün nə səsli təlimatlar, nə də xüsusi
ehtiyacı olan şəxslər üçün asan dildə yazılmış qeydlər yoxdur.
Qaynar xətt nömrələrinin siyahısında 112 yoxdur. Hökumət isə
hesabatda qeyd edib ki, məhz həmin proqram eşitmə qüsurlular üçün
adaptasiya olunub. Onlar qısa mətn mesajı göndərə, yaxud video zəng
həyata keçirə bilərlər.
Fiziki imkanları məhdud şəxslərə aid olan yeganə məlumata isə
yardım kateqoriyasında rast gəlmək olar: “18 yaşa qədər fiziki
imkanları məhdud və kəskin şəkildə məhdud olan şəxslərə 600 larilik
yardım – 6 ay ərzində hər ay 100 lari veriləcək. Benefisiarların
sayı 43 min nəfərdir. Büdcə – 27 milyon lari”. Hökumətin
hesabatında bu pandemiyanın vacib problemlərinə cavab olaraq qeyd
olunub. “Kəskin şəkildə məhdud” ayrıca statusdur və bütün fiziki
imkanları məhdud şəxsləri nəzərdə tutmur. Müvafiq olaraq, yardımdan
kənar qalmış çox sayda fiziki imkanları məhdud şəxs var. Ancaq bu
barədə bir az sonra danışacağıq. İndi məlumatın əlçatanlığından söhbət
açaq və koronavirus pandemiyasının fiziki imkanları məhdud
şəxslərin həyatına göstərdiyi təsirdən danışaq.
Hesabatda qeyd olunmuş video çarxlar, güman ki, Birinci Kanalın
efirində yayımlanıb. Etnik Azərbaycanlılar, həmçinin, eşitmə
qüsurlu adamlar gürcüdilli kanallara nadir hallarda baxırlar.
Müvafiq olaraq bu yolla yayımlanmış məlumat onlara faktiki olaraq
çatmayacaq.
2020-ci ilin 23 mart tarixində Marneuli bağlandı. Koronavirusun
yayılmasına görə ciddi karantin hamıya şamil olundu. Ancaq fiziki
imkanları məhdud şəxslərin bu barədə məlumatı yox idi. O zaman
“Marneuli” radiosu bələdiyyə merindən eşitmə qüsuru olan şəxslərin
yardım və ya məlumat almaq üçün nə etməli olduqlarını soruşmuşdu.
Cavab belə idi:” Biz vətəndaşlarımıza bütün istiqamətlərdə yardım
etməyə hazırıq”. Mer qeyd etdi ki, “bu məsələlər” üzərində işləyən
təşkilatlar ümumi iş görmək üçün özləri meriya ilə əlaqə
saxlamalıdır.
“COVİD-19 tədbirləri ilə bağlı ictimai məlumat davamlı, əlçatan
formatda və vasitələrlə (məs. jest dilinin interpretasiyası,
subtitrlər, asan oxunacaq format və s.) yayımlanmır ki, bütün
fiziki imkanları məhdud şəxslərə çatsın”, – BMT tərəfindən verilmiş
qeydlərdə yazılıb. Orada bu problemin həlli üçün müxtəlif üsullara
müraciət etmiş başqa ölkələrlə bağlı nümunələr qeyd olunub:
“Paraqvay və Panama sistemlər hazırlayıb. Həmin sistem müvafiq
məlumatın əlçatan formatda çatdırılmasını təmin edir. Analoji
olaraq Yeni Zelandiyanın Səhiyyə Nazirliyinin veb-səhifəsinin
şöbəsi məlumatın əlçatan formatda, jest dilində və asan oxunacaq
şəkildə çatdırılmasını təmin edir. Meksika hökuməti də belə
təcrübəyə müraciət edib”, və s.
“Bizsiz bizim barəmizdə heç nə”, başqa ölkə hakimiyyətlərinin
etdiyi bütün mühitlərin nəzərə alınması deməkdir.
Hakimiyyət “Rəqəmsal ipək yolu layihəsini”, yəni ümumi
internetləşdirməni 2015-ci ildə anons etmişdi. 2020-ci ildə
Gürcüstan əhalisinin 20%-dən çoxu yenə də internetsizdir. 2016-cı
ildən 2020-ci ilə qədər internetdən istifadə etmək imkanı artan
əhalinin sayı yalnız 9% çoxalıb. Statsitika Xidmətinin məlumatına
görə, əhalinin 28%-i heç vaxt internetdən istifadə etməyib.
Gürcüstanda fiziki imkanları məhdud şəxslərə internetin əlçatanlığı
ilə bağlı statistika yoxdur. Müvafiq olaraq, neçə nəfərin
stopcov.ge-yə daxil olmaq, yaxud 112-yə video zəng etmək imkanının
olması məlum deyil. Buradaca qeyd edim ki, hökumətin hesabatında
təsvir edilmiş imkanları yoxlamaq üçün proqramı yüklədim. Ancaq
video-zəng funksiyasını tapa bilmədim.
Marneuli bağlanan zaman Marneulinin eşitmə-nitq qüsurlular
birliyinin tərcüməçisi Emo Ospenko təşkilatın ümumi 35 nəfər
benefisiarı ilə ünsiyyəti qura bilməyib. Onlardan yalnız 6 nəfər
eşitmə qüsurlu şəxsin smartfonu və interneti var. Benefisiarların
əksəriyyəti yazmaq və oxumaq bilmir. Ona görə də 112-yə qısa mesaj
göndərə bilmirlər.
Marneuli Eşitmə Qüsurlular Birliyinin tərcüməçisi Emo Osipenkonun
sözlərinə görə, o, pandemiya dövründə benefisiarlara kömək etmək
məqsədi ilə Marneuli meriyasına müraciət edib. O, video çarxların
hazırlanması təklifini irəli sürüb. Həmin video çarxlar vasitəsilə
benefisiarlara regionda mövcud olan vəziyyət barədə məlumat
çatdıracaqdı. Ancaq Osipenko rədd cavabı alıb.
Görmə qüsurlular birliyinin Marneuli nümayəndəsi Surik Çiçyan deyir
ki, təşkilatın benefisiarlarının böyük qisminin görmə qüsurlular
üçün nəzərdə tutulmuş xüsusi kompüteri yoxdur. Əksəriyyətin köhnə
model telefonu var və internet qoşmaq mümkün deyil. Eşitmə
qüsurlulardan fərqli olaraq görmə qüsurlular televiziya, yaxud
radio vasitəsilə məlumat ala bilir. Ancaq Marneulidə dil baryeri
problemi var. Bələdiyyə əhalisinin 83% etnik azərbaycanlılardır.
Dövlət dilini bilməmək isə yenə də aktual problem olaraq qalır.
Hakimiyyət hesabatda 2020-ci ildə fiziki imkanları məhdud şəxslərin
hüququnun qorunması üçün yeni qanun təsdiqlədiyinə görə özünü
tərifləyir. Beynəlxalq təşkilatların qiymətləndirməsinə görə, bu
həqiqətən də irəli atılmış addımdır. Qanun çox dəyişiklikləri
nəzərdə tutur və ən əsası tibdən sosial modelə keçidi, yəni fiziki
imkanları məhdud şəxslərin statusunun müəyyənləşdirilməsini nəzərə
alır. Bu deməkdir ki, tibbi tanıma ilə yanaşı fərdin real
problemlərini də nəzərə almalıdırlar. Qanun fiziki imkanları məhdud
şəxslərin müstəqil yaşamaq imkanlarını maksimum dərəcədə təmin
etməlidir. Gürcü jest dili tanınıb, şəxsi assistent xidməti nəzərə
alınıb. Qanun qüvvəyə minib. Yerli özünüidarənin layihəsində şəxsi
assistent, daha doğrusu bələdçi, tərcüməçi və digər məsələlər də
var idi. 2020-ci ilin yanvar ayında Marneuli meri sosial yardım
büdcəsi və paket barədə təqdimat keçirdi.
Zaur Darğallı Fiziki İmkanları Məhdud Şəxslər Şurası yaradılacağını
bildirdi, sonradan şura fiziki imkanları məhdud şəxslərdən, fiziki
imkanları məhdud uşaqların valideynlərindən, meriya və Bələdiyyə
Məclisinin nümayəndələrindən ibarət oldu. İnteqrasiya və mühitin
uyğunlaşdırılması, həmçinin, əlil arabasından istifadə edənlərin
evində pandusların və uyğunlaşdırılmış edilmiş ayaqyolunun
qurulması böyük planlarla birgə fiziki imkanları məhdud şəxslərin
məlumat bazasının yaradılmasından da söhbət gedirdi. Marneulidə
sosial layihənin təqdimatından və yeni qanundan sonra nə baş
verdi?
2020-ci ilin mart və may ayında demək olar iki aylıq karantin
bələdiyyədə çox adama sosial problem yaratdı. Meriya ciddi rejim
elan edildikdən bir həftə sonra ərzaq səbətlərinin paylanmasına
başladı. Fiziki imkanları məhdud şəxslər yerli hakimiyyətin yadına
ən sonda düşdü. Onlara təxminən may ayının sonunda ərzaq səbəti
verildi. Hökumətin böhrana qarşı olan planına əsasən Marneulidə
kəskin fiziki imkanları məhdud şəxslərə yardımların verilməsinə
pandemiyanın başlamasından demək olar ki, bir il sonra başlanıldı.
Tam görmə qüsurlu Surik Çiçyana əlavə 2021-ci ilin yanvar ayında
köçürülüb. O, iyun ayı da daxil olmaqla hər ay 100 lari alacaq.
Surik Çiçyan görmə qüsurludur, yəni kəskin şəkildə fiziki imkanları
məhdud olan şəxsdir. 2020-ci ilin məlumatlarına görə, Gürcüstanda
126 851 fərqli fiziki imkanı olan vətəndaş var. 29 926 nəfərin
kəskin şəkildə fiziki məhdudluğu var. Bu statistika dövlətin altı
ay ərzində 100 larilik yardım təyin etdiyi şəxslərlə yanaşı Surik
Çiçyanı də nəzərdə tutur. Daha 73 551 nəfərin kəskin dərəcədə
aşkarlanmış məhdudiyyəti, 11 723 nəfərin isə müəyyən dərəcədə
məhdudiyyəti var. Dövlət Gürcüstanda ümumilikdə 87 274 nəfər fiziki
imkanları məhdud şəxsə pandemiya dövründə yardım etmir.
Səhiyyə Nazirliyi fiziki imkanları məhdud şəxslər üçün ayrılmış
proqramların planlaşdırılması üçün nə dərəcədə adekvat məlumata
malikdir? Dövlət Audit Xidmət bunu araşdırıb. Auditin 2020-ci ildə
yayımlanmış və 2017-2019-cu illəri əhatə edən hesabatında
oxuyuruq:
სურიკ
ჩიჩიანი
“Fiziki imkanları məhdud şəxslərin statusunun
müəyyənləşdirilməsinin tibbi modeli çərçivəsində toplanmış
statistik göstəricilər fiziki imkanları məhdud şəxslər barədə tam
və müvafiq məlumatın verilməsini təmin etmir. Bu isə fiziki
imkanları məhdud şəxslərə aid olan siyasət və proqramların
planlaşdırılmasının vacibliyinin ilkin şərtidir. Nəticədə eləcə də
yazılıb:
Ekspertiza formaları bütün fəaliyyət bacarıqları barədə məlumatı
qeyd etmək üçün sütunlardan ibarət olmadığına görə, qüvvədə olan
sosial-tibbi ekspertizanın formalarında bütün fəaliyyət
bacarıqlarının kateqoriyasının qiymətləndirmə nəticələri təsvir
olunmayıb. Bəzi fəaliyyət bacarıqları barədə məlumat doldurulub.
Əgər bu hər hansı köməkçi vasitənin verilməsinin əsası ilə
bağlıdırsa, məsələn, hərəkət etmə və eşitmənin məhdudlaşdırılması.
Eləcə də bu tibbi heyət tərəfindən ehtiyacların müəyyənləşdirilməsi
bacarığının çatışmazlığından da irəli gəlir. Çünki onlar yalnız
tibbi baxımdan ekspertiza apara bilərlər. Nəticədə doldurulmuş
formalardan qanunla yazılmış fiziki imkanları məhdud şəxslərin
fəaliyyət bacarığının məhdudlaşdırılması barədə tam məlumat almaq
mümkün deyil.”
Hakimiyyət pandemiya dövründə auditin qeydlərini nəzərə almadı.
2020-ci ildə qəbul edilmiş qanun da hər fiziki imkanları məhdud
şəxsin ehtiyacı öhdəliyini qoyur. Hakimiyyət məlumat toplamaqla
yanaşı baş vermiş çatışmazlıqları da nəzərə almadı. Müvafiq olaraq
kateqoriya vermək eləcə də bu kateqoriyaya əsasən yardım vermək
ədalətsiz çıxır.
Gürcüstanın Siyasi İnstitutu tərəfindən analiz edilmiş məlumatlara
görə fiziki imkanları kəskin məhdud şəxslərə altı ay ərzində
müəyyən edilmiş 100 larilik yardım yaşayış minimumunu aşmır. Ancaq
təşkilat başqa problemlərə də diqqət yetirib.
Gürcüstanın Siyasi İnstitutu tərəfindən koronavirus dövründə
hökumətin sosial siyasətinin qiymətləndirilməsində qeyd olunub ki,
fiziki imkanları məhdud şəxslərə və eləcə də sosial baxımdan
ehtiyaclı, xroniki xəstəliyi olan vətəndaşlar üçün bələdiyyə
nəqliyyatının dayandırılması problemdir.
“Bu kimi məhdudiyyətlər zamanı alternativ nəqliyyatın və yardımın
olmaması fiziki imkanları məhdud şəxslərin sağlamlıq məsələsinə
qarşı laqeydliyə bərabərdir. Məhdudiyyətlərin elan edilməsinə qədər
əvvəlcədən həmin məhdudiyyətlərin riskləri ölçülməli və əhalinin
müvafiq qruplarının sağlamlığının təminatı üçün vacib logistika
təfərrüatları nəzərə alınmalıdır. Bu sosial ehtiyacı olan təbəqənin
nəqliyyatla təmin edilməsini mümkün edəcək”, – Gürcüstanın Siyasi
İnstitutunun analizində yazılıb.
მარნეული, 2020
წლის მარტი
“Gündəlik yaşam üçün başqalarına söykənən (xidmət göstərənlərin
rəsmi yardımına, yaxud qohumların/dostların qeyri-rəsmi yardımına)
çox sayda fiziki imkanları məhdud şəxslər hərəkətin
məhdudlaşdırılması və fiziki məsafə ölçülərinə görə yardımdan kənar
qalır. Bu onları qida, vacib əşyalar və dərmanların əlçatanlığı
baxımından məhdudlaşdırılmasına görə risk altında qoya, çimmək,
yemək hazırlamaq, yaxud yemək kimi gündəlik əsas işlərini həyata
keçirməyə mane ola bilər”, – bu isə BMT-nin qeydlərindən
parçadır.
Əlbəttə, Marneuli yerli özünüidarəsində bu məsələ barədə
düşünməyiblər və fiziki imkanları məhdud şəxslərin müalicəsi
məqsədi ilə hərəkət etməsini təmin etmək və ya başqa məişət
problemlərinin yüngülləşdirilməsi ilə bağlı ölçü götürməyiblər.
Yerli özünüidarənin sosial layihəni həyata keçirməsi barədə
danışmaq belə artıqdır. Merin müavini Laşa Lobcanidze deyir ki,
meriyaya fiziki imkanları məhdud şəxslərin sosial planlarının
həyata keçirilməsində pandemiya mane olub. Bu dövr ərzində meriya
şura ilə fiziki imkanları məhdud şəxslərin ehtiyacları barədə
məsləhətləşməyib. 2021-ci ilin büdcəsi barədə müzakirə
aparmayıb.
Gürcüstan Parlamentinin veb-səhifəsində yayımlanmış mövzu ilə bağlı
tədqiqatda fiziki imkanları məhdud qadınlar və qızlar üçün səhiyyə
xidmətinin əlçatanlığı barədə qeyd olunub ki, tədqiqat zamanı
statsitikanın verilməsi baxımından baryer qeydə alınıb. fiziki
imkanları məhdud şəxslərin rəsmi statistikasını əldə etməyin yeganə
mənbəyi Səhiyyə və Sosial Müdafiə Nazirliyidir. Qurum yalnız sosial
paket və başqa dövlət yardımlarını alan fiziki imkanları məhdud
şəxslər və iş axtaran fiziki imkanları məhdud şəxslərin sayı barədə
məlumata sahibdir.
“Məhdudiyyət formaları barədə məlumat hazırlanmayıb. Bu isə fiziki
imkanları məhdud şəxsin, həmçinin, qadınların ehtiyaclarının dəqiq
müəyyən edilməsini çətinləşdirir. Dövlət proqramları ehtiyacların
araşdırılması və öyrənilməsi olmadan təsdiqlənir”, – 2019-cu ilin
araşdırmasında yazılıb. Artıq qeyd etdiyimz kimi Zaur Darğallı
bələdiyyədə fiziki imkanları məhdud şəxslərin statsitikasının
qaydaya salınmasının zəruriliyi barədə da danışımışdı. Ancaq indiyə
kimi bu istiqamətdə konkret addımlar atılmayıb.
“Gündəlik yaşam üçün başqalarına söykənən (xidmət göstərənlərin
rəsmi yardımına, yaxud qohumların/dostların qeyri-rəsmi yardımına)
çox sayda fiziki imkanları məhdud şəxslər hərəkətin
məhdudlaşdırılması və fiziki məsafə ölçülərinə görə yardımdan kənar
qalır. Bu onları qida, vacib əşyalar və dərmanların əlçatanlığı
baxımından məhdudlaşdırılmasına görə risk altında qoya, çimmək,
yemək hazırlamaq, yaxud yemək kimi gündəlik əsas işlərini həyata
keçirməyə mane ola bilər”, – bu isə BMT-nin qeydlərindən
parçadır.
Əlbəttə, Marneuli yerli özünüidarəsində bu məsələ barədə
düşünməyiblər və fiziki imkanları məhdud şəxslərin müalicəsi
məqsədi ilə hərəkət etməsini təmin etmək və ya başqa məişət
problemlərinin yüngülləşdirilməsi ilə bağlı ölçü götürməyiblər.
Yerli özünüidarənin sosial layihəni həyata keçirməsi barədə
danışmaq belə artıqdır. Merin müavini Laşa Lobcanidze deyir ki,
meriyaya fiziki imkanları məhdud şəxslərin sosial planlarının
həyata keçirilməsində pandemiya mane olub. Bu dövr ərzində meriya
şura ilə fiziki imkanları məhdud şəxslərin ehtiyacları barədə
məsləhətləşməyib. 2021-ci ilin büdcəsi barədə müzakirə
aparmayıb.
Gürcüstan Parlamentinin veb-səhifəsində yayımlanmış mövzu ilə bağlı
tədqiqatda fiziki imkanları məhdud qadınlar və qızlar üçün səhiyyə
xidmətinin əlçatanlığı barədə qeyd olunub ki, tədqiqat zamanı
statsitikanın verilməsi baxımından baryer qeydə alınıb. fiziki
imkanları məhdud şəxslərin rəsmi statistikasını əldə etməyin yeganə
mənbəyi Səhiyyə və Sosial Müdafiə Nazirliyidir. Qurum yalnız sosial
paket və başqa dövlət yardımlarını alan fiziki imkanları məhdud
şəxslər və iş axtaran fiziki imkanları məhdud şəxslərin sayı barədə
məlumata sahibdir.
“Məhdudiyyət formaları barədə məlumat hazırlanmayıb. Bu isə fiziki
imkanları məhdud şəxsin, həmçinin, qadınların ehtiyaclarının dəqiq
müəyyən edilməsini çətinləşdirir. Dövlət proqramları ehtiyacların
araşdırılması və öyrənilməsi olmadan təsdiqlənir”, – 2019-cu ilin
araşdırmasında yazılıb. Artıq qeyd etdiyimz kimi Zaur Darğallı
bələdiyyədə fiziki imkanları məhdud şəxslərin statsitikasının
qaydaya salınmasının zəruriliyi barədə da danışımışdı. Ancaq indiyə
kimi bu istiqamətdə konkret addımlar atılmayıb.