Marneuli bələdiyyəsinin Dəmyə, İmirçala və Xixani kəndlərində yollara asfalt qatının çəkilməsi planlaşdırılır.

Yerli özünüidarə artıq 1 241 299 lari dəyərində tender elan edib. Tender sənədlərinə əsasən pulun 95%-ni dövlət, 5%-i isə meriya maliyyələşdirəcək.

Meriya Dəmyə, İmirçala və Xixani kəndində daxili yollara asfalt qatının çəkilməsi işləri üçün 2 iyun tarixində tender elan edib. Tenderdə iştirak etmək istəyənlər 18 iyundan 23 iyuna qədər təkliflərini göndərə bilərlər.

Qalib şirkət müqavilə bağlandıqdan 90 gün ərzində işləri həyata keçirməli olacaq.