“Gürcü Arzusu” Marneuli meri vəzifəsinə namizəd olaraq Kənan
Ömərovu təqdim edib.
Parlamentin Marneuli və Qardabani seçki dairəsindən majoritar
deputatı Zaur Darğallı “Gürcü Arzusu”-nun Marneuli rayon
təşkilatının qarşısında çəkilmiş fotonu paylaşıb və yazıb ki, Kənan
Ömərov mer vəzifəsinə namizəddir.
Ömərov Marneuli merinin müavinidir. O, müavinliyə qədər Marneuli
Təhsil Resurs Mərkəzinə rəhbərlik edirdi.
Qeyd edək ki, Marneuli meri vəzifəsi ötən ilin oktyabr ayından boş
qalıb. Belə ki, sabiq mer Z.Darğallı parlament seçkilərində deputat
mandatı əldə edib. Hazırda mer vəzifəsinin səlahiyyətlərini I
müavin Zaur Tabatadze yerinə yetirir.