Marneuli yerli özünüidarəsi “Şotaoba” bayramını qeyd etmək üçün
4660 lari xərcləyib.
Marneuli meriyası “Şotaoba” tədbiri üçün beş sadələşdirilmiş
müqavilə bağlayıb. Yerli özünüidarə ən çox qonaqlara verilən nahar
yeməyinə pul xərcləyib.
“
Heykəlin açılış tədbirində Gürcüstanın tanınmış
mədəniyyət, təhsil və digər sahə xadimləri iştirak edirdilər. Bunun
üçün qonaqlara (ümumilikdə 30 nəfər, buradan 25 nəfər qonaq) nahar
verməyə ehtiyac yarandı”, – fərdi sahibkar Vladimer
Kimadze ilə bağlanmış sadələşdirilmiş müqavilənin izahatnaməsində
yazılıb.
Yerli özünüidarə 25 qonaq və 5 ev sahibi üçün 2 525 lari xərcləyib.
Marneuli meriyası “Şotaoba” bayramında müxtəlif növ — ümumilikdə 1
240 lari dəyərində hədiyyələri fərdi sahibkar Əkrəm Qəhrəmanovdan
alıb. Meriya 20 ədəd qızılı örtüklü/laminasiyalı bloknota 700 lari
ödəyib. 20 ədəd markalı qələm 100 lari, 20 ədəd ikitərəfli, markalı
çanta 260 lari, 100 ədəd Rustavelinin şəkli olan nişan isə 180
lariyə başa gəlib.
Meriya həmin şəxsdən Rustaveli heykəlinin açılışı üçün 10 metrlik
ağ atlas parça alıb.
Marneuli meriyası xüsusilə “Şotaoba” bayramı üçün fərdi sahibkar
Şura Edilaşvilidən Çariça Tamar və Şota Rustavelinin kostyumlarını
120 lariyə kirayələyib. Meriya rekvizit və yüklərin daşınmasına 565
lari ödəyib.
Marneulidə “Şotaoba” 24 noyabr tarixində qeyd olunub. Marneuli
Bələdiyyə Məclisinin qərarı ilə “Şotaoba” Marneulidə hər il qeyd
olunacaq.
Qeyd edək ki, Marneuli kitabxanasının qarşısında Şota Rustavelinin
heykəlinin açılışı olub və yerli özünüidarə buna 112 520 lari
xərcləyib.