Bolnisidə Kvemo Kartli Gənclər Forumu keçirilib
2 dekabr tarixində, Bolnisi Muzeyində Gənclər Forumu keçirilib.
Forumda yerli özünüidarələr, gənclər təşkilatları və mülki sektor
nümayəndələri iştirak edirdilər.
BMT-nin Əhali Fondunun Gürcüstan ofisinin rəhbəri Lela Bakradze
bildirdi ki, gənclərin yerli özünüidarə fəaliyyətinə qoşulması
ciddi şəkildə mühümdür.
“Gənclərin inkişafı və gənclərin öz yerli icmasının
inkişafında iştirak etməsi, problemlərin yerli özünüidarəyə
çatdırılması çox mühümdür. Bu demokratik inkişafın mühüm əsasıdır
və gənclərin inkişafının çox vacib istiqamətidir. Təəssüf ki, bu
gün Gürcüstanda gənclərin iştirakı çox aşağıdır. Gənclərin təxminən
30%-dən çoxusu əmək bazarına qoşulmayıb, formal və qeyri-formal
təhsilə qoşulmayıblar. Bu mütləq dəyişməlidir. Bizim Kvemo Kartlidə
iştirak etdiyimiz gənclər forumu məhz buna ümid
verir”.
Gənclər forumunun çərçivəsində Kvemo Kartlidə yaşayan gənclər yerli
özünüidarə nümayəndələrinə tövsiyələr veriblər ki, gənclər
istiqamətində hansı proqramların həyata keçirilməsi mühümdür.
İctimai nəqliyyat problemi, gender bərabərliyi problemləri, idman
və maarifləndirici məkanlar – Marneulili gənclər məhz bu mövzuları
diqqətə yetiriblər.
“Biz ötən il dekabrda, “Gənclər sosial dəyişikliklər üçün” layihəsi
çərçivəsində 4 günlük təlimdə iştirak etdik. Layihə ərzində çox
məlumat aldıq. Sonra isə qızların futbol liqasının keçirilməsi ilə
əlaqədar ideyamız var idi. 3 aprel tarixində keçirdik. Çox xoş idi.
Çünki Marneulidə ilk dəfə belə turnir keçirildi və sevinirəm ki,
bunu bacardıq. Düşünürəm gənclər çox şey edə bilərlər və onların
böyük potensialı var. Biz sosial dəyişikliklə edə
bilərik” – Marneulili Nino Hüseynova bildirdi.
Bolnizi və Rustavi merləri ilə yanaşı forumda Marneuli meri Kənan
Ömərov da çıxış etməli idi. Amma o, forumda iştirak etməyib.
Forumda Marneuli meiryası və Bələdiyyə Məclisinin əməkdaşları
iştirak ediblər. Marneuli bələdiyyəinin Səhiyyə, Sosial Təminat,
Məədniyyət, İdman, Uşaq Hüquqlarının Müdafiəsi və Dəstəkgöstərmə
Xidmətinin rəhbəri Nino Dekanoidze “Marneuli” radiosu ilə söhbəti
zamanı bildirdi ki, bələdiyyə üçün mühüm olan gənclərin inkişafı,
gücləndirilməsidir.
“Hər bir bələdiyyənin proqramı var. Proqram gənclərin inkişafına və
onların problemlərinin həllinə dəstək olur. Marneuli bələdiyyəsində
də Gənclər Şurası var və onların təşəbbüsü ilə gənclərin inkişafına
yönəlmiş bütün proqramlar tətbiq oluna bilər. Bizim müvafiq
yeniliklərimiz var və 2023-cü ilin gənclər proqramına daxil
edəcəyik. O özlərinin təşəbbüs etdiyi bütün çətinliklərin
inkişafına səbəb olacaq” – Nino Dekanoidze dedi.
Gənclər forumunda Kvemo Kartli qubernatoru Qiorqi Doxturişvili də
iştirak edib. O, qeyd edib ki, belə tipdə forumların keçirilməsi
çox mühümdür. Çünki gənclərə öz istəklərini və fikirlərini
hakimiyyət nümayəndələrinə çatdıra bilsinlər.
Forumun məqsədi gənclərlə yerli özünüidarə, vətəndaş sektoru
üzvləri arasında dialoq üçün məkan yaratmaqdır. Bu gənclər üçün
mühüm məsələlərin yerli siyasətinin yaradılması-həyata keçirilməsi
prosesində nəzərə alınmasına, onların əsas rolunun daha bərabər,
harmoniyalı və davamlı ictimaiyyətinin qurulması prosesində
tanınmasıdır.
Gənclər Forumu “Gürcüstanda qadınlar və qızlara zorakılığa qarşı”
(EVAWGG) proqramı çərçivəsində keçirilib. Layihə BMT-nin Əhali
Fondu (UNFPA) və BMT-nin Qadın Təşkilatı (UN Women) tərəfindən
Avropa İttifaqının dəstəyi ilə həyata keçirilir.