Marneuli meriyasında inventarların silinməsi üçün xüsusi komissiya
yaradılacaq. Söhbət Marneuli meriyası və meriya tərəfindən təsis
edilmiş qeyri-kommersiya hüquqi şəxslərin balansında olan sıradan
çıxmış və ya istifadə olunmayan texnikanın silinməsindən gedir.
Qeyd olunan məsələni təsdiqlənmək üçün Bələdiyyə Məclisinin 5
dekabr tarixində baş tutan iclasda meriyanın əməkdaşı Beka Qavaşeli
müzakirəyə çıxarıb. O, qeyd edib ki, bələdiyyədə inventarizasiya və
silinmə üçün komissiya yaradılacaq.
Meriyanın Maliyyə-Büdcə Xidməti rəhbərinin səlahiyyətlərinin
icraçısı Maia Naveriani bildirib ki, artıq silinmə prosesində
riayət edəcəkləri siyahı var.
“Yeni inventarizasiya indi başlayıb. Artıq nəyin silinməli olduğunu
bilirik. Portativ kompüterlər (noutbuklar), masaüstü kompüterlər
sıradan çıxıb və artıq təmir olunacaq vəziyyətdə deyil. Siyahımız
var, ancaq silinmə hansı formada olacaq, bunun üçün komissiya
yaradılacaq və elə silinəcək”.
Qeyd olunan məsələ ilə bağlı deputatlar müsbət qərar qəbul ediblər.
Bələdiyyə Məclisinin iclasında ümumilikdə 4 məsələ müzakirə olunub.
Həmçinin, yeni il tədbiri keçirmək üçün 140 000 lari ayrılması və
sosial məsələlər müzakirə edilib.