Gürcüstanda yaşayan Türkiyə vətəndaşlarının səsverməsinin
nəticələri açıqlanıb.
“Marneuli” radiosu xəbər verir ki, ölkəmizdə yaşayan türkiyəli
seçicilər “Millət İttifaqı”nın namizədi, müxalif Cümhuriyyət Xalq
Partiyasının sədri Kamal Kılıçdaroğlunu dəstəkləyib.
“Cümhur İttifaqı”nın namizədi, hakim Ədalət və İnkişaf Partiyasının
sədri, hazırkı dövlət başçısı Rəcəb Tayyib Ərdoğan isə az səs
toplayıb.
Gürcüstandakı səsvermənin nəticələri aşağıdakı kimi olub:
- “Millət İttifaqı”nın namizədi, müxalif Cümhuriyyət
Xalq Partiyasının sədri Kamal Kılıçdaroğlu - 63,58 faiz (639
səs)
- “Cümhur İttifaqı”nın namizədi, hakim Ədalət və
İnkişaf Partiyasının sədri, hazırkı dövlət başçısı Rəcəb Tayyib
Ərdoğan 31.34 faiz (315 səs)
- “Ata İttifaqı”nın namizədi Sinan Oğan - 3,88 faiz
(39 səs)
- Məmləkət Partiyasının sədri Məhərrəm İncə - 1,20
faiz (12) (seçkidən əvvəl namizədliyini geri
götürmüşdü).
Parlament seçkilərində isə Gürcüstanda yaşayan Türkiyə vətəndaşları
hansı partiyanı dəstəkləyiblər:
- “CHP” - 52,64 faiz (432 səs)
- “Ak Parti” - 22,23 faiz (223 səs)
- “İyi Parti” - 9,17 faiz (92 səs)
- “Yeşil Sol Parti” - 6,88 faiz (69 səs)
- “MHP” - 5,48 faiz (55 səs)
- “TİP” - 5,19 faiz (52 səs)
- “Zafer Partisi” - 2,59 faiz (26 səs)
- “Yeniden Refah” - 1,89 faiz (19 səs)
- “Memleket” - 1,30 faiz (13 səs)
- Digər partialar - 1,30 faiz (17 səs)
Qeyd edək ki, bülletenlərin 92%-i hesablandıqdan sonra Türkiyədə
keçirilən prezident seçkilərində Ərdoğana verilən səslərin sayı
50%-dən aşağı düşüb və azalmaqda davam edir.
Mərkəzi Seçki Komissiyasının gecə yarısına olan rəsmi məlumatına
görə, 49,42% Ərdoğana, 44,95% isə Kılıçdaroğluna səs verib. Dikər
iki namizəd – Sinan Oğan 5,20 faiz, Məhərrəm İncə isə 0,43 faiz səs
toplayıblar.
Bu o deməkdir ki, səsvermənin ikinci turu olacaq. Seçkilərin son
nəticələri 19 mayda açıqlanacaq.
Qeyd edək ki, 15 may tarixində Türkiyədə prezident və parlament
seçkilər keçirildi. Seçkilərin nəticələrini linkə daxil olub, baxa
bilərsiniz
https://secim.aa.com.tr.