Marneuli 2 saylı ictimai məktəbinin VI-a sinfinin şagirdləri öz
təşəbbüsləri ilə məktəb ərazisində park salıblar.
VI-a sinfinin rəhbəri Asmat Dzmanaşvili “Marneuli” radiosu ilə
söhbəti zamanı bildirdi ki, şagirdlərin park salmaq istədiyi ərazi
sinfin yanında yerləşir.
“Bizim sinfin yanında, pəncərədən bu bağ çox yaxşı
görünür. İlkin mərhələdə bağ tamamilə başqa cür idi və uşaqlar
ideya təklif etdilər ki, bu məkanı canlandıraq. Danışdıq və digər
həmkarlarımla birlikdə, direktorun dəstəyi ilə bu ideyanı həyata
keçirməyə qərar verdik. Həqiqətən də alındı. Bu gün çox gözəl və
yaxşı məkanımız var. Bu tamamilə uşaqların ideyası idi və biz
sadəcə kömək etdik”, – Asmat Dzmanaşvili
bildirdi.
2 saylı ictimai məktəbin şagirdlərinə park salmaqda rəsm müəllimi
Nino Xutsişvili kömək edib. Müəllim bizimlə söhbəti zamanı bildirdi
ki, park salmaqla uşaqlarda incəsənət bacarıqları inkişaf edir.
Çünki onlar özləri divarları rəngləyiblər, əl işləri
düzəldiblər.
“Şagirdlərin həyata keçirdiyi işlər onların inkişafı
üçün çox mühümdür. Çünki incəsənət şagirdlərdə tənqidi və yaradıcı
düşüncəni inkişaf etdirir. Niyə isə çox məktəblərə valideyn və
pedaqoqlar hesab edirdilər ki, incəsənət ikinci dərəcəli fəndir,
amma həqiqətən belə deyil. İncəsənət uşaqların həyat bacarıqlarını
inkişaf etdirir. İbtidai siniflərdən uşaqların ümumi motorika
bacarıqları, daha sonra düşüncəsi və s. inkişaf
edir”, – Nino Xutsişvili bildirib.
VI-a sinif şagirdləri tərəfindən yaradılmış park bu gün, 23 may
tarixində açılıb. Parkın açılışında şagirdlərdin biri, Nihad
Şabanovun rəsmlərindən ibarət fərdi sərgisi keçirilib. Pedaqoqlar
bildirirlər ki, parkın inkişaf etdirilməsi canlı proses olacaq və
şagirdlərlə birlikdə uşaqların tənəffüslə dərs arasında vaxt
keçirməsi üçün məkanı daha da canlandıracaqlar.