Bu gün, 23 may tarixində “Marneuli” radiosunun xüsusi qonağı var
idi.
İREX Beynəlxalq Fondunun prezidenti, Doktor Kristin Lord USAİD-in
media proqram rəhbərləri ilə birlikdə regional səfər çərçivəsində
Marneuli İcma Radiosunda qonaq olub. Qonaqlar radionun fəaliyyəti,
komanda üzvləri, gələcək planları ilə tanış olublar, mediada olan
problemlər barədə söhbət açıblar.
“Gürcüstan vətəndaşlarının yaxşı, keyfiyyətli, müstəqil
məlumat əlçatanlığının olması çox mühümdür. Bu şəkildə onlar
hakimiyyətin xalqa necə xidmət göstərməsi, vətəndaş olaraq öz
töhfələrini necə verməli və problemlərin həll olunması üçün
birlikdə necə işləməli olduqlarını öyrənmiş olacaqlar. Bizim
Gürcüstan komandamız bizim buraya gəlməyimizi mühüm hesab etdi.
Çünki gürcü xalqı monolitik deyil, Gürcüstanda böyük
rəngarənglikdir. Hamı özünün vətəndaş olmasını, səs hüququnun
olduğunu və onların adı ilə hakimiyyətdə nə baş verdiyini hiss
etməlidir”, – Kristin Lord bildirib.