İyun ayının 1-dən etibarən bağçalara qeydiyyat başlayır. Bu barədə
“Marneuli” radiosuna müsahibəsi zamanı Uşaq Bağçaları Birliyinin
rəhbəri Zaur Kərəmov məlumat verdi.
Kərəmovun sözlərinə görə, uşaqlarını bağçaya qeydiyyatdan keçirmək
istəyən valideynlər ətraflı məlumat əldə etmək üçün bağçaya və ya
bağça müdriyyətinə müraciət edə bilərlər.
“İyunun 1-də, saat 9-da qeydiyyat prosesi başlayır.
Valideynlər ətraflı məlumat üçün bağça müdriyyətinə və ya bağçanın
özünə müraciət edə bilərlər”.
Zaur Kərəmov valideynlərdən tələb olunan sənədlərlə bağlı da
məlumat verdi.
“Qeydiyyat üçün uşağın doğum şəhadətnaməsinin notarial
qaydada təsdiqlənmiş surəti, sağlamlıq arayışı, 4 ədəd fotoşəkil və
valideyinin şəxsiyyət vəsiqəsinin surəti lazımdır. Sosial statuslu
ailə olduğu haqda arayış və ya məcburi köçkün olduğu halda sənədin
təqdim olunması, eyni zamanda məhdud imkanlı şəxslərin statusunu
təsdiq edən sənəd lazımdır”.
Qeydiyyat saat 9:00-dan 17:00-a kimi davam edəcək.