Bu gün, 17 noyabr tarixində Marneuli Bələdiyyə Məclisinin növbəti 14-cü iclası keçirilib. İclasda 10 məsələ müzakirəyə çıxıb və deputatlar məsələlərin hamısı ilə bağlı müsbət qərar qəbul ediblər.

Bələdiyyə Məclisi Aparatının rəhbəri Nino Beridze mətbuata söhbəti zamanı bildirdi ki, bugünkü iclasda bir neçə mühüm məsələ müzakirə olunub. Onlar arasında 2023-cü il büdcəsinin həyata keçirilməsinin 9 aylıq hesabatı, meriya xidmətlərinin fəaliyyət hesabatı, inkişaf planı və s. var idi.

“Burada meriya xidmətlərinin hesabatı təqdim olundu. Bu 1 yanvar tarixindən 1 noyabra qədər görülmüş işlərin hesabatıdır. Bütün xidmətlər dinlənildi və qiymətləndirildi, hamısı müsbət dəyərləndirildi. Eləcə də müzakirə olunacaq məsələlər arasında bələdiyyədə aparılan 9 aylıq hesabatların dinlənməsi mühüm idi. Həmin hesabat da artıq veb-səhifədə yayımlanıb və hamı baxa bilər. Mühüm məsələlər arasında Marneuli bələdiyyəsinin ortamüddətli planının hazırlanması da var. Bu 4 illik plandır ki, bələdiyyənin növbəti 4 il ərzində işləməli olduğu bütün istiqamətlər, əsas prioritetlər qeydə alınıb. İndiyə qədər Marneuli bələdiyyəsi üçün aktual olmayan mövzuların indi nəzərə alınması mühümdür. Bu turizm istiqamətidir və çox rəngarəng proqram olacaq”, – Nino Beridze bildirib.

Marneuli Bələdiyyə Məclisinin iclasında Marneuli şəhərində Yenə də Böyüyəcəklər abidəsinin ətraf ərazisinin icarə ilə özəl şəxsə verilməsi məsələsi də dəstəklənildi. Bələdiyyə Məclisi iclasında eləcə də Marneulinin müxtəlif yardım tələb edən 5 vətəndaşının yardım istədiyi sosial məsələlər müzakirə olunub.

“Marneuli tarixində ilk dəfə genişləndirmə planı müzakirə olunur və təsdiqlənir. Bu Lağidze küçəsidir. Bilirsiniz ki, bələdiyyələrin əksəriyyətində, eləcə də bizdə genişləndirmə planı yoxdur. Amma indi bi rküçənin timsalında, Lağidze küçəsində baş verir və demək olar ki, büdcənin müzakirəsi ilə aparılan prosesdir. Bu gün, Bələdiyyə Məclisi genişləndirmənin ətraflı plan və konsepsiyasını bəyənib. Bundan sonra meriya onun ictimailəşdirilməsini təmin edəcək və məsləhətlərə başlanılacaq, əhali ilə ictimai görüşlər baş tutacaq”, – Marneuli Bələdiyyə Məclisi Aparatının rəhbəri bildirib.

Marneuli Bələdiyyə Məclisi iclasınn başlaması zamanı sədr Amiran Qiorqadze bildirib ki, vətəndaşlar artıq Marneulinin 2024-ci il büdcəsinin müzakirəsində iştirak edə bilər. Büdcənin ilk ictimai müzakirəsi 2023-cü ilin 22 noyabr tarixində, Marneuli meriyasında baş tutacaq. İctimai müzakirədə hər bir maraqlanan şəxs iştirak edə bilər.