6 aprel tarixində Qardabanidə iftar süfrəsi təşkil edilib.
"Qardabani Təhsil və İnteqrasiya Mərkəzi"nin təşkilatçılığı və
Azərbaycan Respublikasının Diasporla İş Üzrə Dövlət Komitəsinin
maddi dəstəyi ilə baş tutan iftar süfrəsində Azərbaycanın
Gürcüstandakı səfirliyin nümayəndəsi Ramiz Hacızadə, Qafqaz
Müsəlmanları İdarəsinin Gürcüstan üzrə nümayəndələri Məhəmməd
Şamilov və Sabir Musayev, Qardabani rayonunun Bələdiyyə Məclisinin
sədr müavini Samir Xiyalov, Bələdiyə Məclisinin üzvü Kamran
Babayev, Qardabani merinin məsləhətçisi Dünyamalı Hacıyev, din
xadimləri və dəvət olunmuş qonaqlar iştirak ediblər.
İftar süfrəsi müqəddəs Qurani Kərimdən ayələrin oxunması və azanın
səsləndirilməsi ilə başlayıb.
Daha sonra "Qardabani Təhsil və İnteqrasiya Mərkəzi"nin direktoru
Çiçək Hüseynova və təsisçisi Raul Əliyev çıxış edərək gələn
qonaqları salamlayıblar, qarşıdan gələn müqəddəs Ramazan bayramı
münasibəti ilə müsəlmanları təbrik ediblər.
Tədbirdə səfirliyin əməkdaşı Ramiz Hacıyev çıxış edərək səfir Faiq
Quliyevin adından iftar süfrəsində iştirak edənləri təbrik edib. O,
çıxışında Ramazan ayının insanları gözəl əməllərə dəvət etdiyini,
onları yer üzündə sülhün, əmin-amanlığın və qardaşlığın bərqərar
olması naminə birgə səylər göstərməyə çağırdığını vurğulayıb.
Daha sonra Qafqaz Müsəlmanları İdarəsinin Gürcüstan üzrə
nümayəndəsi Sabir Musayev, Qardabani merinin məsləhətçisi Dünyamalı
Hacıyev və ziyalı, tarix müəllimi Əvəzxan İsayev çıxış edərək
Ramazan bayramı münasibətilə dünya müsəlmanlarını təbrik ediblər və
Ramazan ayını əhəmiyyəti barədə danışıblar.
İftar süfrəsindən sonra dini ayinlər oxunub və İslam dini və onun
adət-ənənələrindən söhbət açılıb.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415