Gürcüstanın müstəqil media vasitələri “Gürcü Arzusu” tərəfindən
“Rusiya qanununun” təkrar irəli sürülməsini qınayır və ona qarşı
çıxırlar.
Müstəqil media vasitələri bu gün, 8 aprel tarixində ümumi bəyanat
yayıblar.
“Gürcü Arzusu” hakimiyyətinə “Rusiya qanununu” qəbul
etməyə imkan verməyəcəyik ki, Gürcüstan və onun həqiqi dostları
arasında divarlar hörsünlər”, – bəyanatda
deyilir.
Müstəqil media vasitələri qeyd edirlər ki, “Rusiya qanunu”
Gürcüstanı sürətli templə qarışıq idarəetmə sistemindən kəskin
formalaşmış avtoritarizmə, Rusiya kimi ölkələrin cərgəsinə
aparır.
“Rusiya qanunu” “Gürcü Arzusu” hakimiyyətinin
vətəndaşların səsini əlindən almaq, müstəqil medianı, vətəndaş
cəmiyyətini məhv etmək, ictimaiyyətin ən fəal hissəsini susdurmaq
və ictimai proseslərdən təcrid etmək üçün növbəti cəhdidir. “Rusiya
qanununun” qaytarılması ilə Gürcüstan hakimiyyəti öz zorakı
təbiətini bir daha göstərdi. “Gürcü Arzusunun” müəllimi Rusiya
hakimiyyətidir, onlar isə ölkəni tabeçilik, nəzarət, təqib, yalan,
demaqoqluq ilə idarə etmək istəyirlər”, – bəyanatda
deyilir.
Ümumi bəyanatı Gürcüstanın 20-dən artıq müstəqil media vasitəsi,
həmçinin, “Marneuli” radiosu yayımlayıb.
Bəyanatı sizə təqdim edirik:
“Biz, Gürcüstanın müstəqil media vasitələri “Gürcü
Arzusu” hakimiyyətinin planını, Parlamentdə “Rusiya qanununun”
müzakirəsinin yenilənməsini qınayır və qarşı çıxırıq.
“Rusiya qanunu “Gürcü Arzusu” hakimiyyətinin vətəndaşların səsini
əlindən almaq, müstəqil medianı, vətəndaş cəmiyyətini məhv etmək,
ictimaiyyətin ən fəal hissəsini susdurmaq və ictimai proseslərdən
təcrid etmək üçün növbəti cəhdidir. “Rusiya qanununun” qaytarılması
ilə Gürcüstan hakimiyyəti öz zorakı təbiətini bir daha göstərdi.
“Gürcü Arzusunun” müəllimi Rusiya hakimiyyətidir, onlar isə ölkəni
tabeçilik, nəzarət, təqib, yalan, demaqoqluq ilə idarə etmək
istəyirlər.
Bu qanunla biz sürətli templə qarışıq idarəetmə sistemindən kəskin
formalaşmış avtoritarizmə, Rusiya kimi ölkələrin cərgəsinə keçid
alırıq. Həmin ölkələrdə insan həyatının və şərəfinin heç bir dəyəri
yoxdur, rüşvətxorluq, nepotizm, alçaltma, oğurluq hökm sürür. Orada
azad media qalmayıb və zorakı dövlət maşınından insanları heç kim
qorumur, insanların inkişaf etmək imkanı yoxdur, ən dəyərli
xüsusiyyət tabe olmaqdır.
Belə ölkədə yaşamaq istəmirik və düşünmürük!
“Gürcü Arzusu” hakimiyyətinə Gürcüstanın Avropa ailəsinə qayıtmaq
üçün real şansını itirmək imkanı verməyəcəyik.
“Gürcü Arzusu” illərdir, əksər hallarda məhz bizim
veb-shəifələrimizdən eşidilən fərqli və tənqidi düşüncəyə qarşı
mübarizəni dayandırmır. Buna görə müstəqil media vasitələri,
vətəndaş cəmiyyəti təşkilatları ilə birlikdə hakimiyyətin ilkin
hədəfinə çevrildik.
İllərdir, ən yüksək tribunalardan jurnalistlərə qarşı nifrət dili
istifadə olunur. Ən yüksək vəzifəli məmurlar jurnalistləri sui-qəsd
nəzəriyyələri, dezinformasiyalar və uydurma hekayələrlə təqib
edirlər. Gürcüstan hakimiyyəti jurnalistləri təqib edir, onlara
işləməyə imkan vermir, şifahi və fiziki zorakılıq göstərir.
Hər şeyə baxmayaraq, ideallarımız, sevimli peşəmiz, əziz
oxucularımız, dinləyicilərimiz və izləyicilərimiz, sevimli və
yeganə vətənimiz uğrunda mübarizəmizi dayandırmırıq. Bu mübarizədə
hər bir nailiyyətimizə, hər qələbəmizə, irəliyə doğru atdığımız hər
addıma bizdən az sevinməyən ölkə dostlarımız, strateji
tərəfdaşlarımız var.
Gürcüstanın müstəqil mediası beynəlxalq tərəfdaşların dəstəyini
daim hiss edir, onların Gürcüstanda həyata keçirilən bütün mühüm
islahatlara töhfələri əvəzsizdir. Gürcüstan müstəqilliyini elan
edəndən sonra beynəlxalq tərəfdaşlarımız təhlükəsizliyimizin və
müstəqilliyimizin yeganə təminatçısıdır.
Beynəlxalq tərəfdaşlar “Gürcü Arzusu” hakimiyyətinin bu zərərli
təşəbbüsü ilə bağlı ikinci dəfə qəti şəkildə mənfi fikirlərini açıq
şəkildə ifadə ediblər və Gürcüstan hökumətini geri çəkilməyə
çağırıblar.
Biz imkan verməyəcəyik ki, “Gürcü Arzusu” hakimiyyəti Gürcüstanla
onun həqiqi dostları arasında divar hörmək üçün “Rusiya qanununu”
qəbul etsin.
Etirazımızı gücləndirəcəyik, öz hüquqlarımızı, vətəndaşlarımızın
hüquqlarını və ölkəmizin sivilizasiya seçiminə uyğun hərəkət etmək
hüququnu müdafiə edəcəyik. Biz beynəlxalq tərəfdaşlarla birlikdə
Gürcüstanı əsl Avropa demokratiyasına
çevirəcəyik”.
Bəyanata imza atanlar:
- Gürcüstan Jurnalistlər Etika Xartiyası
- Monitor Studiyası
- “Marneuli” radiosu
- Gürcüstan xəbərləri/ Dağ xəbərləri
- Kutaisipost
- Kvemo Kartli mediası – QvemoQartli.ge
- Publika
- Araşdırmaçı Jurnalistlər Birliyi “Ai
Fakt”
- Alik Media Gerogia
- Quria News
- Netgazeti
- Batumelebi
- Rek studiyası
- ufleba.ge
- “Cənub qapısı” – sknews.ge
- On.ge
- Media April
- Kaxetinin səsi – knews.ge
- Psnews.ge
- Mənim Xaraqaulim
- Newpress.ge
- “Atinati” radiosu
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415