8 aprel tarixində “Gürcü Arzusu” vətəndaşların etirazı ilə yanaşı
Parlamentdə “Rusiya qanununu” ikinci dəfə qeydiyyatdan keçirir.
Büro iclası ilə yanaşı Parlamentin arxa girişinin qarşısında
vətəndaşlar hakim partiyanın “Rusiya qanununu” geri
qaytarmayacaqları ilə bağlı vədlərini pozmasına etiraz edirlər.
“Ai Fakt” –ın jurnalisti Aydan Yusif “Marneuli” radiosu ilə söhbəti
zamanı bildirir ki, ötən il əhali hakimiyyətə göstərdi ki, “Rusiya
qanununun” qəbul edilməsinə uyğunlaşmayacaq.
“Ötən il artıq bu filmi izlədik və aksiyalarda birlikdə
dayanmağın gücünü də gördük – bu müvafiq nəticə verdi. Məhz buna
görə, indi ağır qrafikim olmasına baxmayaraq bütün aksiyalara
gəlməyi düşünürəm. Bütün aksiyalara gələcəyəm və həmin 93 nəfərə
xalqın nə istədiyini bir daha göstərməliyik. Bunu əhali aksiyalara
getməklə həmin Parlament deputatlarına göstərməlidir, fərq etməz
haradayıq, nə edirik, bunun üçün vaxtımız var ya yox. Bu axmaqlığı
geri götürməkləri üçün hər şey edəcəyik”, – Aydan
Yusif bildirir.
Aydan hakim partiya nümayəndələri tərəfindən media və QHT-lər üçün
ayrılmış maddi resursların qara pul olaraq xatırlanmasını marazm
hesab edir. Çünki özünün də qeyd etdiyinə görə, xaricdən ən çox
vəsaiti məhz hakimiyyət alır, QHT və media təşkilatlar isə həmin
yardımın 4%-dən yararlanırlar.
Parlamentin arxasında keçirilən aksiyada “Salam” platformasının
üzvü Benyamin Qasımoğlu da iştirak edirdi. Onun sözlərinə görə,
qanun qəbul olunduğu halda xarici təsir daşıyan təşkilatlar olaraq
hesab ediləcək QHT və media təşkilatlar yalnız Gürcüstan əhalisinin
firavanlığı üçün çalışırlar.
“Biz rüşvətxorluğun olmaması, ekologiyanın qorunması,
küçələrdə sahibsiz itlərin olmaması, hər hansı hüququ tapdalanmış
vətəndaşı hakimiyyətdən qorumaq üçün işləyirik. Həmçinin, bu gün
meriyanın təzyiqi ilə yanlış məlumat paylaşmağa məcbur olan
adamları da qorumalıyıq. Bu qanun bizim Avropaya gedən yolumuzu
kəsir, bu Rusiya narativi və fəaliyyətidir, ona görə də biz bu gün
burada dayanmışıq, bu qanunlayihəsinə etiraz
edirik”.
Benyamin əmindir ki, lazım gəldiyi halda vətəndaşlar yenidən
birləşəcəklər və ötən il olduğu kimi hakimiyyətə “Rusiya qanununu”
qəbul etməyə imkan verməyəcəklər.
Mülki fəal Tozu Gülmməmədli də aksiyaya qoşulub. O, “Rusiya
qanununa” qarşı aksiyada Parlament qarşısında ötən il də
dayanırdı.
“Bu “Rusiya qanunu” ilə bağlı ikinci etirazdır. İlk
dəfə ötən il bu qanun irəli sürüldür və o zaman əhalinin istəyi ilə
bu qanunu geri çəkməli oldular. Amma indi yenidən qanunu
qaytarıblar. Biz bilirik ki, bu qanunun məqsədi insan hüquqları
üzərində işləyən təşkilatların və media vasitələrinin məhv
edilməsidir. Onlar seçkilərə hazırlaşırlar və heç kimin seçkiləri
müşahidə etmədiyi Gürcüstan, dövlət yaratmaq, istədikləri kimi
seçkilər saxtalaşdırmaq istəyirlər. Azad media da olmayacaq və
onların işi də asanlaşacaq. Məhz ona görə küçədəyik ki, Gürcüstanı
“Rusiyanın təsirindən və qüvvələrindən qoruyaq”, –
Tozu Gülməmmədli bildirir.
Parlamentdə hələ də müzakirələr aparılır. Müvafiq akreditasiyadan
keçməklərinə baxmayaraq jurnalistlərin bir hissəsini iclasa
buraxmırlar.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.