Marneulidə baş vermiş təbii fəlakət nəticəsində zərər çəkmiş bir ailə mehmanxanaya yerləşdirilib. Bu barədə bu gün, 28 may tarixində Bələdiyyə Məclisinin iclasında məlumat açıqlanıb.

Meriyanın İnzibati Xidmətinin rəhbəri Mamuka Şubitidzenin çıxışında dediyinə görə, güclü yağışlar nəticəsində Marneuli şəhərinin bir neçə küçəsinə və kəndlərinə xeyli ziyan dəyib. Şubitidze bildirib ki, bələdiyyədə yaradılmış 6 işçi qrupu tərəfindən hələ də dəymiş ziyan araşdırılır. Mamuka Şubitidze “Marneuli” radiosu ilə söhbəti zamanı bildirdi ki, təbii fəlakətdən zərər çəkən bir ailənin beş üzvü mehmanxanaya yerləşdirilib.

“Sadaxlı əhalisinə və Şulaveri İnzibati Ərazi Vahidliyində yerləşən kənd təsərrüfatı sahələrinə ziyan dəyib. Hər bir vətəndaşa dəyən ziyan işçi qrupu tərəfindən ətraflı şəkildə araşdırılır. Müvafiq qərarlar alınacaq. Qeyd etməliyik ki, Marneulinin Beritaşvili küçəsində faktiki olaraq hər şeyi məhv olmuş bir ailə var. Evdə qalmaq imkanı da yoxdur və bələdiyyə tərəfindən mehmanxanaya yerləşdiriliblər”, – Mamuka Şubitidze bildirir.

25 may tarixində, gecə saatlarında güclü yağış nəticəsində Algeti, Xrami və Debet çayı daşıb. Marneuli şəhər küçələrinin bir qismi, eləcə də bələdiyyənin bir neçə kəndi su altında qalıb. Təbii fəlakətin baş verdiyi ərazilərdə hələ də təmizləmə işləri aparılır.

Bələdiyyə Məclisinin 28 may tarixində keçirilən iclasının canlı yayımı:

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.