28 may tarixində Tbilisidə Azərbaycanın Müstəqillik Gününə həsr olunmuş tədbir keçirildi. Tədbir Azərbaycanın və Gürcüstanın Dövlət himnləri səsləndirilməsi ilə başladı. Mərasimdə Azərbaycanın Gürcüstandakı səfiri Faiq Quliyev, Gürcüstan parlamentinin sədri Şalva Papuaşvili, eləcə də Gürcüstanda olan xarici ölkələrin diplomatik korpusun nümayəndələri, azərbaycanlı və türk iş adamları iştirak ediblər.

Tədbiri giriş sözü ilə Azərbaycanın Gürcüstandakı səfiri Faiq Quliyev açaraq 1918-ci ildə əldə edilən müstəqillik və bugünkü uğurları, işğaldan azad olunmuş ərazilərdə görülən quruculuq işləri barədə tədbir iştirakçılarına məlumat verdi.

Daha sonra Gürcüstan parlamentinin sədri Şalva Papuaşvili çıxış etdi və o, da çıxışında Azərbaycanla Gürcüstan arasındakı dostluğun önəmindən danışdı.

Tədbir musiqili proqramla davam etdi. Azərbaycandan gəlmiş musiqiçilər Azərbaycanın xalq və bəstəkar mahnılarını ifa etdilər. Həmçinin tədbirin keçirildiyi salonda Azərbaycanın inkişafını əks etdirən fotolardan ibarət sərgi də açılmışdı.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.