Marneuli meriyası Tserakvi kəndində, “Vahid Qafqaz – One Caucasus” beynəlxalq musiqi festivalının təşkil edilməsi xidmətinin alınması üçün 53 700 lari dəyərində tender elan edib.

Tender sənədlərinə görə, qeyd olunan vəsait ilə aşağıdakı xidmətlər planlaşdırılır:

• Üstü örtülü səhnə
• Məşq üçün səhnə
• Səhnə səsləndirməsi
• Dizel ilə işləyən generator
• Səhnənin arxası üçün baner
• Əsas səhnə üçün təhlükəsizlik barrikadaları
• Çadırların icarəyə götürülməsi
• Nəşr olunacaq material
• Təhlükəsizliyin
  təmin edilməsi

Tenderdə iştirak etmək istəyən şirkətlər 10-13 avqust tarixlərində öz təkliflərini təqdim edə bilər.

Festival Marneulinin Tserakvi kəndində 4 gün ərzində – 22-25 avqust tarixlərində keçiriləcək.

Qeyd edək ki, “Vahid Qafqaz” festivalı illərdir, üç ölkənin sərhədində, Marneuli bələdiyyəsinin Tserakvi kəndində keçirilir. Layihədə iştirak etmək üçün müxtəlif ölkələrdən musiqiçilər və könüllülər gəlirlər. Onlar bir növ festival şəhərciyi yaradırlar.

Bu şəkildə Marneuli sakinləri və Cənubi Qafqazda yaşayan xalqların birlikdə 4 gün keçirmək üçün məkanları olur. Gənclər musiqi dinləyir, ailələri ilə birlikdə dincəlir və qonşu ölkələrin mədəniyyəti ilə tanış olurlar.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---