Marneuli Uşaq Bağçaları Birliyi uşaq bağçalarında suyun keyfiyyəti ilə bağlı laboratoriya nəticələri barədə “Marneuli” radiosunun sorğusuna yalnız məktub vasitəsilə cavab verib.

Lakin tələb olunan laboratoriya rəyini təqdim etməyib.

Birliyin məlumatına görə, suyun mikrobioloji analizi Şaumyan kəndinin yeni uşaq bağçası, Sadaxlı, Xixani, Kəpənəkçi, Tamarisinin 1, 3, 4 və Marneuli şəhərinin 1, 3, 4 saylı bağçalarında aparılıb.

Tədqiqatlar üçün Marneuli Uşaq Bağçaları Birliyi “Quality Laboratory” MMC ilə sadələşdirilmiş müqavilə bağlayıb. Nümunələrin toplanması və daşınması üçün bələdiyyə büdcəsindən 960 lari xərclənib.

“Marneuli” radiosu aprelin 10-dan etibarən Uşaq Bağçaları Birliyi ilə əlaqə yaratmağa çalışsa da, zənglər cavabsız qalıb və ya “vaxt yoxdur” cavabı ilə qarşılaşıb. Nəticədə redaksiya suallarını rəsmi məktubla ünvanlayıb. Birlikdən cavab olaraq bildirilib ki, su ilə bağlı analizlər planlı şəkildə həyata keçirilir və nəticələr normaya uyğundur.

Məktubda deyilir:

“Marneuli Bələdiyyəsinin ərazisində yerləşən Uşaq Bağçaları Birliyinin (Məktəbəqədər Təhsil Mərkəzi) su nümunələri laboratoriya tərəfindən yoxlanılıb və nəticələr standartlara cavab verir. 'Quality Laboratory' MMC-nin su nümunələrinin yerində toplanaraq laboratoriyaya daşınması üçün müvafiq icazəsi və imkanları var.

Su çənləri mütəmadi olaraq təmizlənir və dezinfeksiya edilir.

Milli Qida Agentliyinin əməkdaşları tərəfindən sənədli yoxlamalar da aparılır.

Hər bağçada ildə ən az bir dəfə suyun keyfiyyəti ilə bağlı planlı tədqiqat aparılır və bu araşdırmalar məcburidir.”

Bununla belə, “Marneuli” radiosu konkret olaraq laboratoriya rəyini tələb etsə də, Uşaq Bağçaları Birliyi bu sənədi təqdim etməyib.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---